天龍八部｜王君馨求開下部有份打 甄子丹：你估我係李嘉誠咩？
撰文：吳子生
出版：更新：
由甄子丹（丹爺）監製、導演、及主演的電影《天龍八部之喬峰傳》，昨晚（16/1）於灣仔會展舉行慈善首映禮。丹爺透露拍攝此電影時，資金並非充裕，加上時間非常緊迫，在拍攝時都遇到一定困難：「其實每一次我拍攝電影嘅時候，我都係好追求完美嘅人嚟，咁所以喺咁艱難嘅時候，拍攝一套關於金庸咁經典嘅《天龍八部》入面嘅喬峰，係有畀到我雙重壓力嘅。」
由甄子丹（丹爺）監製、導演、及主演的電影《天龍八部之喬峰傳》，今晚於灣仔會展舉行慈善首映禮。（葉志明攝）
提到王君馨在戲中只有文戲卻沒有打戲她大感可惜。丹爺笑言：「咁佢嘅角色係唔需要打，咁所以都唔係話拍親甄子丹嘅戲都要打嘅，變咗都要睇返本身個角色需唔需要。（佢話有俾你睇過佢打嘅影片！）我覺得始終都有啲唔同嘅。（佢未夠火喉？）佢已經好好，好好身手，只不過佢呢個角色冇空間俾佢發揮，呢個唯有下次。（下次開一部專打嘅戲俾佢！）咁都要睇老細㗎，唔係話我開就開，你估我係李嘉誠咩！」
丹爺大讚王君馨身手不凡。（葉志明攝）