行運一條龍｜「媚姨」原來大有來頭 擁製作公司拍過400部戲
撰文：陳穎思
出版：更新：
農曆新年又係時候睇返幾套賀歲片應節，25年前上映的《行運一條龍》相信是不少影迷想重溫的作品，除了周星馳、葛民輝、吳孟達、吳君如、舒淇、鄭秀文、陳曉東及楊恭如等卡士外，有一個配角都相當出彩，佢就係「唔係AM、唔係FM，係SM」的媚姨！
媚姨真係好搶鏡！（電影截圖）
戲中媚姨飾演周星馳的前女友，以「一個AM，一個FM，大家都唔啱channel嘅」為理由向星爺提出分手，最後與「甜筒輝」因為「唔係AM、唔係FM，係SM」而走在一起。雖然媚姨只有兩場戲，但足已成為觀眾心目中的經典場口。
變成經典電影金句。（電影截圖）
有睇開港產片的觀眾應該都會認得媚姨，她演出過二十部電影，除了《行運一條龍》之外，仲參演過幾部《古惑仔》、《情迷大話王》、《嫁個有錢人》、《行運超人》及《龍咁威2003》等。可能大家以為媚姨是云云較有名的跑龍套之一，其實她有更厲害的身份！
重溫媚姨精彩演出
+5
拍戲只是媚姨的副業，她的真實身份是製作公司老闆，於八十年代創立了「天王影視製作」，參與製作超過400部電影，主要負責安排各類型的演員，《行運一條龍》都是其中之一。媚姨於2010年宣布退休，並將業務交給其他人，現時以湊孫為樂，只能夠重溫舊片來再一次欣賞她的幕前演出。