【搶錢耆兵】3個小生劫銀行 退休生活無想像咁易
撰文：佘漢姬
出版：更新：
古有《新紮師妹2美麗任務》胡楓領「扯旗山四虎」為興趣東山復出再食大茶飯，今有《搶錢耆兵》（Going in Style）三老失退休金為生活迫住下海劫銀行。睇住老人家路都行不穩，向專業劫匪學開槍搶金，表面輕輕鬆鬆嘻嘻哈哈，實質有血有淚睇到人心勁悒。
3位小生望生活無休，有錢去茶記飲茶。（《搶錢耆兵》劇照）
正如姜大衛所講「再鋒利嘅刀都有生鏽嘅一日」，3位阿爺Joe（米高堅飾）、Willie（摩根費曼飾）還有Al（艾倫雅堅）後生做工廠男工捱得搏得，但上了年紀連跑都未必得。3個80歲後老友記不求大富大貴，只求食飯可以少少奢侈地有甜品。《搶錢耆兵》雖然用笑點包裝，3位主角論盡到浮誇，但他們所面對的老年問題卻異常寫實，未到退休年紀的你同我，都該感到警惕。
搞一場大龍鳳，只想乖孫有地方可住。（《搶錢耆兵》劇照）
老Joe家住大屋，其實是空心老倌，將物業拿去向銀行二按套現接濟女兒與孫女，卻被銀行經理言語出術，用「有機會」、「有可能」等字眼騙他簽了利息超高的按揭計劃。禍不單行，舊公司結構重組，退休基金化為烏有，Joe與老朋友們頓失收入，無力繼續供款。面對銀行收樓一家人無家可歸，作為一家之主的Joe唯有兵行險着，向友人提議反客為主做搶錢耆兵。Willie身患重病，需要醫藥費外，還希望可以多探望住在另一個州分的孫女，無錢是最大問題。Al則只想老來能夠隨心所欲，不甘再被銀行與大財團壓榨愚弄。
在強積金神話破滅，對沖對走畢身積蓄的現在，這部戲寧舍到肉。有錢誰願做廢老？（話雖如此，搶銀行犯法，千萬別以身試法。）
大集團用花巧的語言帶老人家遊花園，好折墮。（《搶錢耆兵》劇照）
搵專業劫匪學特別的打劫技巧。（《搶錢耆兵》劇照）
+1