【全民造星】男團MIRROR九展騷紅館價? 花姐:啲飛賣晒都會蝕!

撰文:
最後更新日期:

ViuTV選秀真人騷《全民造星》雖然已經圓滿結束,但對於一班「造星仔仔」來說,現在才是真正開始,因為ViuTV今日(3日)在鑽石山舉行發布會,宣佈男子組合MIRROR正式誕生,更隆重介紹12位成員,包括王智德(Alton)、江熚生(Anson Kong)、盧瀚霆(Anson Lo)、呂爵安(Edan)、陳瑞輝 (Frankie)、陳卓賢(Ian)、柳應廷(Jer)、李駿傑(Jeremy)、姜濤(Show)、邱士(Stanley)、邱傲然(Tiger)和隊長楊樂文(Lokman)。

而《全民造星》監製花姐(黃慧君)亦有到場,她更在會上坦言構思節目時沒有想過有此成績:「估唔到幾個月後,我喺呢個發布會上出現,更加估唔到,我成為呢隊男子組合嘅經理人。」講起組合名稱MIRROR的由來,隊長Lokman便說:「我哋每朝早都要照鏡,見到自己真實嘅一面,同時間,鏡如果得過一塊,就可以反射好多個影像,或者無限個影像,好似我哋其他成員咁,我哋都係好獨特、好無限,夾埋一齊會就無限嘅可能性。」

一句講曬:Mirror成員(特別係姜濤)拍拖,你接唔接受到先?(資料圖片)

+5
+4
+3

除了現場演繹第一首派台單曲《一秒間》,MIRROR亦與ViuTV總經理魯庭暉一起宣布,MIRROR首個演唱會《2018 THE FIRST MIRROR LIVE CONCERT》將於12月21日和九展舉行。

好多Fans、網友知道消息後都到MIRROR的Facebook專頁上閱覽相關詳細,發現門票絕非便宜,最貴的門票賣$780,其他門票依次是$580、$480和$380。與林奕匡同樣在九展舉行的演唱會門票比較,最貴的仍比MIRROR最貴的平$200,而Supper Moment在紅館搞的演唱會,最貴門票亦是$780,所以MIRROR首個演唱會永遠可以稱得上「九展騷,紅館價」,當然MIRROR演唱會比起即將舉行的泰妍或iKON演唱會等韓國單位,最貴票價達$1680平一大截,所以這個安排相對上是非常合理。

MIRROR與ViuTV總經理魯庭暉一起宣布《2018 THE FIRST MIRROR LIVE CONCERT》將於12月21日舉行。(葉志明攝)

值與不值,向來都是見仁見智,好多粉絲明顯非常期待這個演唱會,紛紛MIRROR Facebook專頁上留言兼Tag人,相關詳情出街不足8小時,便已經有300多個讚好,反應甚為熱烈。

談到票價問題,花姐接受《香港01》訪問時便指價錢是由主辦演唱會的大國文化決定:「雖然今次唔係我搞,但係我以前都做過演唱會,都知道所有騷只搞一場嘅話都肯定係蝕本,所有畀嘅錢都係用得一次,好似衫、隊Band咁,所以就算係賣晒啲飛都蝕。(咁仲搞?)因為冇諗過係賺,公司都有問我搞唔搞,我就覺得一定要搞,因為好多Fans決賽時都冇機會嚟到,因為太少位,所以都想當呢個係粉絲見面會,等班仔仔可以有機會再多謝班Fans。」

花姐接受《香港01》訪問時坦言今次演唱會不得不搞,即使明知一定蝕錢。(葉志明攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。