屯門Donki全港最大2.8萬呎 首個屋台區必試4款限定魚蛋拎6大優惠

撰文:許慧恩
出版:更新:

【驚安之殿堂/DONKI/DON DON DONKI】「DON DON DONKI屯門市廣場店」(下稱DONKI)明天(20日)上午10時正式開幕,全場28,000呎,成為全香港最大分店。《香港01》飲食頻道記者率先帶你視察新店環境,率先睇全港首間日本屋台主題區及地道和風小食,更精選多款開幕禮品優惠、Donki屯門店限定商品,再教大家拎6大開幕精品!
(下列優惠及款式以發稿日為準,最終安排視乎商店而定。)

早於DONKI屯門市廣場店未開幕時,不少元天屯街坊已非常期待,今日記者所見不少街坊經過都駐足觀望。屯門店佔地28,000呎,以「乘搭火車出發日本去旅行」為設計概念,讓大家無得飛日本,都仿如身在日本購物。

雖然新店並非24小時營業,不過營業至凌晨1時也為一眾街坊提供一個宵夜好去處。等記者帶大家先睹為快DONKi新店環境及位置👇👇

+1

屯門店的零食區主要分為八大區,包括糖果區、朱古力及餅乾區、薯片區等,與其他分店相似。不過新店設有定期更換主題的日本物產區、日本水果區,也有港人最愛的鮮魚區及打邊爐必逛的鮮肉區等。👇👇👇想知日本物產區今期主題係咩?有咩抵買?按圖即睇有好物抵買👇👇👇

+18

適逢炎夏,屯門新店更設夏水禮專區,專賣兒童水泡,沙灘裝備,以及瀨戶內海檸檬主題身體護理用品,包括磨砂膏、身體乳液、卸妝乳、消毒除臭噴霧等。👇👇👇按圖即睇DONKI夏水禮有咩買👇👇👇

屯門分店於7月20日開幕後推出獨家開幕優惠,包括限定零食及營養補充品福袋、限定蠟筆小新口罩套裝等!一眾火鍋和牛、豚肉也設開幕限定優惠。👇👇👇按圖即睇DONKI屯門店的9大開幕精品及福袋👇👇👇

+6

新店更特設全港首間日本屋台主題區,除了一眾日式熟食如豬扒滑蛋便當、大阪燒等,日本人氣薩摩魚餅品牌「玖子貴」更首次進駐Donki,專門推出4款屯門分店限定口味日式魚蛋。😋😋😋限定4款日本魚蛋口味超特別!即睇日本屋台區有甚麽美食值得一試👇👇👇

+10

屯門新店開幕,大家當然不可錯過領取6大免費禮品,走之前記得換埋禮物呀!記者教大家如何可以拿盡著數!👇👇👇其中3款不用消費都有得拎?按圖看贈品詳情👇👇👇

+1

DON DON DONKI屯門市廣場店
地址:香港新界屯門屯順街1號屯門市廣場1期UG樓UG001-UG023號舖
營業時間:上午8時至凌晨1時
開幕日期:2021年7月20日

想知更多高質火鍋店推介,例如粥底火鍋、港式火鍋,click 入專頁睇更多推介!👉👉👉全港火鍋打邊爐優惠推介 邊間抵食?邊間有特色?|不停更新

同場加映1:網民熱數7間食店名過其實

譚仔、譚仔三哥近年開到成行成市,深受年輕人歡迎,午飯時間不時都要排隊等位。不過有網民覺得認為部分人氣高的食店,名氣與食物質素不成正比,但竟然成日要排長龍,令人大惑不解。

有網民批評近年在香港大行其道的譚仔雲南米線、譚仔三哥,全都是名氣大過食物質素,根本不值一排!有網民力數多間過江龍食店,包括著名美式漢堡店、某間超人氣台式食店等,更曾有有本地飲食YouTuber 拍片力數某間食店N宗罪!😡😡邊間中高價位的扒房被網民狂批?按下圖即睇網民熱數7間名過其實食店👇👇

+2

想知其他榜上有名的食店被批名過其實?立即點擊內文:譚仔性價比降低?Five Guys漢堡太油膩?網民熱數7間食店名過其實

同場加映2:9種食物鬧人超傳神 香港人先識!

廣東話向來博大精深,連鬧人都會用食物代替!俄羅斯籍KOL Ansheles最近在Facebook拍短片分享港式的食物鬧人文化,原來曾經有人鬧Ansheles是「蛋散」,令他一臉疑惑,因為港式點心中他最愛蛋散,所以完全不明白為何港人用「蛋散」鬧人!不過以充滿創意著稱的香港人,日常用食物來鬧人已經運用得如火如茶。

😡😡究竟哪種食物是粗口的諧音?即睇網民集思9種廣東話鬧人的食物,香港人先會明!👇👇

+2

想知司機經常用哪種食物鬧人?立即點擊內文:俄仔Ansheles港式鬧人片爆紅!9種食物鬧人超傳神 香港人先識!

發表評論...