麥當勞魚柳包得半塊芝士！網民質疑慳成本 官方曾解釋一直都係咁
撰文：花生Jan
出版：更新：
【麥當勞魚柳包】最近有港人去麥當勞買魚柳包，發現只得半塊芝士而感到好失望，繼而上網發問「（麥當勞魚柳包）係咪一直都係得半塊？」，更一度引起熱議。有網民認同且表示「細個係完整一塊，唔知幾時開始得半塊！」，甚至指責麥當勞慳成本、偷工減料，不過原來麥當勞晨早就為此作出回應，答案頗令人驚訝！
麥當勞魚柳包塊芝士原來得半塊 網民質疑慳成本 麥當勞原來曾解釋
（資料圖片）
最近有港人於Facebook群組「食在元朗」中以「食咗幾次魚柳包都係得半塊芝士」為題發文，詢問各位網友「（麥當勞魚柳包）係咪一直都係得半塊？」，並附上一張自元朗麥當勞分店購入的魚柳包照片，該魚柳包只得半塊芝士。
貼文引來不少網民留言。有網民質疑麥當勞魚柳包「偷工減料」，用少半塊芝士慳成本，指「好耐以前就有一塊嘅，但唔知幾時開始就縮水得半塊啦，你唔覺連個包都細埋咩？」、「細個嗰時係完整一塊，唔知幾時開始得半塊！」、「魚柳包一向都係半塊芝士。」
但是亦有網民堅持指麥當勞魚柳包一直以來都是使用半塊芝士，稱「我細個嗰陣時十幾年前做麥當勞都已經係半塊。」、「40年前已經知了」、「細個時經常先食包後食魚，好肯定一直得半塊」，有網民更指曾聽過官方說法，指「如果一塊魚柳配一塊芝士，會搶咗個味。」
（資料圖片）
對於網民的熱烈討論，有網民笑指：「淨係爭論以前係唔係一塊芝士，已經引發過幾次網絡世界大戰！」
而有網民更指出麥當勞曾經在官方Facebook回應魚柳包迷團，指「魚柳飽自1975年在港推出後，一直均沿用麥當勞的全球食品份量標準，以半塊芝士製作。」
（FB @ McDonald's 截圖）
雖然麥當勞官方指魚柳包一直以來都是用半塊芝士，但是有網民仍堅持魚柳包以前是有一塊完整的芝士。如果大家知道魚柳包的芝士實際是一塊芝士還是半塊，歡迎留言告訴記者！
詳細原帖：
（Facebook群組「食在元朗」）