2021全港5大新開美食廣場　中環活化街市/屯門掃街/大圍復古建築

【香港美食2021】平時去「搵食」想食韓國菜，但又心思思想食日本菜？雲集各國美食的美食廣場可能是個好選擇！今年香港各區有多個新美食廣場開幕，今次記者推介全港5大美食廣場，包括屯門、大圍、尖沙咀等地，其中包括歐陸菜式、日韓燒肉或炸雞、中式酒樓等多款美食，大家日後又多個選擇！

屯門美食又再加多樣喇！屯門逾萬呎美食廣場即將開幕，11間本地及海外食肆將進駐，包括日式燒肉、韓式輕食、夏威夷蓋飯等多國美食，當中更有米芝蓮推介餐廳，以後入屯門的朋友們就可以大飽口福，享受美食之旅！

地址：屯門屯盛街1號屯門市廣場一期2樓
營業時間：11:30 - 21:30

屯門山景街市進行翻新工程後大變身，以火車鐵路為設計主題，街市中更新開一條掃食街，最少有14家店進駐包括有漢堡、串燒、牛腩等多款美食，絕對是掃街好去處，而且營業至凌晨12時，街坊不怕無地方吃宵夜啦！

地址：屯門鳴琴路1號
營業時間： 7:00 - 00:00

在香港想品嚐韓國料理，不少人都會首選尖沙咀！近日有全新美食廣場登陸尖沙咀，落戶尖沙咀K11，一共5間人氣餐廳進駐，全部均主打韓國料理，帶來帶來熟成韓牛烤肉、百年炸醬麵、無骨炸雞、布帳馬車路邊攤小食及全港首個韓粥品牌，各位韓迷又有聚會好去處！

地址：尖沙咀K11 Art Mall 1樓107號鋪
營業時間：11:30 -22:00

大圍秦石街市早前經過4個半月翻新後，以中式古廟風貌重新開幕！活化後的街市新增營業至凌晨的掃食街，並設有傳統的中式酒樓，屯馬線開通後不但成為隱世搵食好地方，更可以隨時隨地拍照打卡！

超過80年歷史的中環街市，今年經活化翻新後開幕！中環街市一共有三層，其中地下底層為新開的美食廣場，有多間品牌美食進駐包括特色小店和Cafe等，加上街市內有不少文青必去打卡位，例如是長樓梯、中庭、舊式建築打卡位，絕對值得一去！

地址：中環皇后大道中93號
營業時間：10:00 – 22:00