連鎖茶樓紅豆沙內驚現半隻小強 毛毛腳嚇親網民：另外一半喺邊度
撰文：奶蓋弟弟
出版：更新：
最近疫情有好轉，好多人都衝出去堂食，估不到有市民去某連鎖茶樓食紅豆沙，入面驚現半隻小強，毛毛腿掛碗畫面嚇壞網民，擔心另外半隻小強的去向外，更留言大嘆導致有心理陰影！
連鎖茶樓紅豆沙內驚現半隻小強 毛毛腳嚇親網民：另外一半喺邊度
（示意圖）（圖片來源：海港酒家）
有市民日前於連鎖茶樓「海港酒家」用膳，在享用紅豆沙時，竟然撈到半隻「小強」出來。市民其後於Facecbook討論區「香港自助餐、放題及雙餸飯集中討論區」發帖討論，相片中可見該「小強」份量好足，伸出的長腿滿佈腳毛，網民見到都紛紛嚇壞！
有網民笑稱：「迷你版長腳蟹啫。呃我唔到嘅」，不過更多網民留意到相中只有半隻「小強」，擔心另一半「小強」的去向：「上庄分咗第個人」、「全屍可能仲好啲，唔見左半隻仲驚！」
有網民指：「出街食要預咗」、「其實出去食嘢好難完全避免，所以要睇清楚啲」，亦有網民反擊「點解你講到好似理所當然咁嘅」、「酒家有責任送食物到客人檯面係安全食用，應多加留意送出的食物......如不合食用應停止供應。如發現圖中小強，當晚應該停止煲中紅豆沙出售，以免令客人不安。」
（圖片來源：Facebook@香港自助餐、放題及雙餸飯集中討論區）
網民議論紛紛，事主其後於留言區透露，當下已就事件通報食環署，督察前往現場拍照及檢走「小強」屍體回去化驗。事主又提及，發生事件後，酒樓並未有提供免單優惠。
記者就事件向海港酒家查詢，海港酒家回覆指：「查啟田海港衛生環境良好，亦如常每周定期進行滅蟲，實不明半截昆蟲來歷。該店將加緊留意出品衛生，以免同類事件發生。」