港爸媽食壽司郎不滿無得調位!炮轟店員30分鐘 店長禮貌應對獲讚

撰文:草莓泡芙
出版:更新:

【壽司郎|飲食熱話】壽司郎再度出現「野蠻客人」?繼上次有港女叫過號被拒入坐大發脾氣成為網上熱話,早前有人拍攝到壽司郎一間分店遇上客人因座位問題,指責店員做事「唔flexible」,更連珠發砲大罵店長達30分鐘,壽司郎店員冷靜應對獲網民大讚有禮。記者向曾任職壽司郎的前員工查詢獲詳盡解釋,即睇事件經過及「點解唔可以調位」!

(圖片來源:壽司郎)

有港人在上星期六(4月30日)於網絡上傳影片,表示同日晚上8時左右,在壽司郎荔枝角分店店內,有一對父母攜同兩個子女及傭人前往壽司郎荔枝角分店用餐,疑因店員無法為其調位,讓一家人可以入坐相鄰的卡位,因而向分店店長破口大罵近30分鐘!

(《家好月圓》劇照)

據網上影片及目擊者所述,當時正值晚上繁忙時間,事主一行5人以候位票入座,故店員安排他們分兩枱入座,父母二人入座鄰近迴轉帶的卡位,子女及傭人則在距離較遠的位置入座。入座後,子女及傭人率先下單點食物,而父母則仍未下單。

(李知樂攝)

在入座15分鐘後,父母眼見鄰近的迴轉帶卡位暫未有人入座,於是向店員提出想將小朋友及傭人調至附近空出的座位。不過店員表示,因為子女及傭人已經點餐,基於電腦系統問題無法安排調位。父母隨即強調「咁咪埋咗嗰張單,調過嚟食囉!」,多次強調「調位好簡單」,直指店員安排「唔flexible」,展開近30分鐘的糾纏與謾罵。

(《愛回家》劇照)

壽司郎荔枝角分店的女店長即時向事主解釋,由於技術問題未能安排調位,望事主理解。惟那對父母繼續指責店員做事不靈通,稱「我係唔會理你呢啲嘢,你唔調比我哋就一直坐喺度唔郁」,又指店員拒絕調位如同「浪費個客用餐時間,你要賠返用餐時間比我啊!」爭論近半小時仍不果,男性事主更擅自移動餐點到另一枱,並自行調位入座。

(《家好月圓》劇照)

在男女事主怒罵過程中,女店長保持禮貌應對,態度冷靜地向事主解釋,因店內的技術問題實在未能安排,並一再提醒事主用餐時間。在事主自行調位入座後雖然無奈,但仍獲目擊者大讚「唔會話唔做你生意,反而講希望客人配合,希望客人可以理解。」不少網民亦大讚女店長處理有禮。

有網民認為男女事主無禮貌,稱「已經忙到死仲係都要為難人地」、「壽司郎一向都講明繁忙時間冇得揀位調位」,又建議事主「去食Omakase咪唔使調位」。有人則指出如店員遷就男女事主安排調位,對其他客人不公平。如果想坐相連位置,應在入坐前向店員提出,不應「怕執輸死都要入座,入座後又唔滿意」。

記者向曾任職香港壽司郎分店的前店員查詢相關情況,他解釋因為壽司郎系統如同一條龍,同一張候位票視為一張入座用餐帳單,在分枱的情況下未能只為其中一張枱結帳,而其他枱則維持用餐狀態。因此技術上不可能做到為客人調位。壽司郎亦表示對所有客人一視同仁,詳細情況如下:

1. 壽司郎每張入座的叫號需要客人持有相對應的候位票,方可在系統中安排入座。
2. 取票時的人數不論多少,系統都會視1張候位票為1張入座用餐帳單。故即使因配合防疫政策而分枱入座,同一候位票的所有入座客人都會在系列上顯示為同一帳單。
3. 因同一候位票的所有入座客人都視為同一帳單,故在分枱的情況下未能只為其中指定枱結帳,而其他枱則維持用餐狀態。
4. 結帳後系統會視為該候位票的客人已用餐完畢,故無法在電腦系統中再為同一候位票的客人安排入座或調位,亦無法「補飛」。
5. 如不經系統安排強行入座,將會出現該桌「沒有客人正在用餐」的情況,而未能點餐或出餐等。
6. 而壽司郎的叫號安排,可於官方網站查詢。