尖沙咀冰室$10餐蛋麵！配埋凍飲都係$13　網民：呢個價真係無敵

【尖沙咀餐廳】今時今日在香港地可以用$10食一碗麵？尖沙咀一間冰室最近推出$10餐蛋麵早餐，連同跟配凍飲也只不過是$13，隨即吸引一批網民注意，不少人表示難以置信：「平到以為唔係香港」，更認為是「時光倒流價」！

尖沙咀一間冰室最近推出$10餐蛋公仔麵早餐，有齊午餐肉、雞蛋及公仔麵，在今時今日物價飛漲的年代，可謂是破天荒抵價，隨即吸引不少網民注意！

（圖片授權： FB@Lau Kam Chun）

👉👉👉好食玩飛Instagram官方帳號開咗啦！請Follow我哋：https://bit.ly/38tlS4l

最近有網民於Facebook群組分享，在尖沙咀新開張的「冰室小菜館」吃到$10餐蛋麵早餐，跟配凍飲都只是$13，獲大批網民留言討論。

有網民表示，在茶記吃到$10早餐已是難得一見，認為這是「時光倒流價」，又指「呢個價係無敵」、「成本都唔夠」；亦有網民認為難以置信，懷疑是店方「打錯單」。

原來這是冰室小菜館推出的新店限定優惠，記者查詢時獲店方回覆指，餐蛋麵是香港的地道美食，而「10蚊雞」則可以突顯廣東話文化，餐廳希望在推廣優惠的同時，為食客重拾兒時回憶及本地餐飲文化。$10餐蛋麵早餐優惠期至7月8日為止，供應時間為每日早上7時至中午12時，大家想吃就要把握機會！

地址：尖沙咀寶勒巷（香港粵海酒店對面，尖沙咀新店）
供應日期：即日起至7月8日
供應時間：07:00 - 12:00