二手平台買$12護膚品不滿賣家串嘴　欲公審反遭網民鬧：正一西客

不少人購買護膚品或會擔心敏感，最近有網民分享於二手平台欲購買$12精華，惟因店家未能成功解答事主有關「敏感」的疑惑，同時又不滿賣家態度「串嘴」，於是放上網公審，反被網民一面倒圍剿，更直斥「正一西客」！

有網民於Facebook的「Carousell關注群組」發文，稱自己欲於二手購物平台Carousell購買$12的護膚品品牌精華液，但擔心皮膚過敏，故向店家詢問敏感肌能否使用，獲回覆指「擔心敏感咪買sample（樣本）嚟試吓先」，令買家深感不滿。

「你（店家）唔知個產品用完會唔會敏感，你唔係答我唔知，而係仲叫我買sample（樣本）嚟試用，如果我用完皮膚有事，的確係我俾錢買難受，但想搵錢都唔係咁搵！」事主更斥店家態度「好串」，並貼出多張與賣家（下稱「店家」）的對話截圖。

從對話截圖中可見，店家表示，事主如果擔心會敏感「就唔好買啦」，惟事主不罷休，直斥店家開首不應該叫她買來試用。店家再回應「小姐我又唔識你我點知你個皮膚係點㗎，未見過有人問埋D咁嘅問題」，誰料此番說話焫㷫事主，更以兩大段文字回應作反擊。

👉👉👉好食玩飛Instagram官方帳號開咗喇！請Follow我哋：https://bit.ly/38tlS4l

她質問「你做老闆，你知嘅嘢係咪應該要比個客知道嘅嘢更加多先？」，又指「你嘅回應都要俾（畀）個客人感到安心，人地先會繼續做你生意，人地仲要俾（畀）錢入你呀小姐」，認為對方態度有問題。

然而事主圍爐不成，反遭大批網民圍剿。網民一面倒認為店家回應相當正常，認為「敏唔敏感你應該問皮膚科醫生」、「呢度唔係專門店，$12咁煩」、「唔睇以為買緊幾百萬野（嘢）」，直斥事主「正一西客」。

有網民亦指，沒有人知道所有人的皮膚狀況，「佢只係個賣家，唔係生產商唔係醫生」，又指就算是醫生亦未必百分之百準確，而買試用裝的其中一個原因正是可以測試會否皮膚敏感，視乎各人膚質，部分更可以去門市試用，批評事主「多舊魚」，更對該賣家表示同情。不過目前貼文已經刪除，大家又覺得如何呢？