【走飲管】馬灣人跑勻全島 搞「真人版走飲管」

撰文:
最後更新日期:

近年塑膠飲管對環境造成的問題引起關注,不少市民出外用膳時都會響應「走飲管」,出名團結的馬灣人亦不輸蝕。日前一班馬灣街坊發起「真實走管行動」,背着特製大型飲管環島跑步,走遍島上食肆,以輕鬆方式呼籲店舖及市民支持「走管」。

(影片轉截至「馬灣坊會 Ma Wan Neighborhood Association」FB)

「大家都會成日喺馬灣跑步,我哋又想軟性少少,想好輕鬆、好生活咁講呢件事,於是就整咗啲大飲管,孭住嚟跑步『走管』!」「馬灣坊會」版主倫先生指,過去他們在島上宣傳減少使用即棄塑膠飲管,雖然不少食店都有貼出他們的「走飲管運動」標誌,但平日仍會見到食店派發飲管,因此決定以較有趣的方式,號召街坊一同「走管」。

+6
+6
+6

活動獲得街坊積極響應,共有20多名跑友參與,兩小時內他們的足跡遍及10間食肆。倫先生指,居民、遊人反應熱烈,而島上大部分食店對於不用膠飲管大多持正面看法,不過就有部分傳統餐廳表示未能執行,「有啲茶餐廳因客路問題做唔到,佢哋話欣賞唔要飲管嘅客人,但大部分顧客都唔係咁諗,所以都係要繼續畀飲管。」

推動傳統茶記「走管」

「如果街坊想做多步,可能就要幫手諗下,傳統茶餐廳可以點搞。」不同階層、年紀的食客未必明白為何要「走飲管」,而現時島上有餐廳已轉用紙飲管。而「真實走管」行動當日,有餐廳為表示支持,免費請他們吃小食,「好開心,可以感染到小店認同理念……我哋覺得,香港唔係要咩嘉年華去宣傳環保,而係要啲好生活嘅嘢,由當區嘅人開始做!」他表示,希望各區小店之間可以互相影響,一起推動環保,未來他們會有其他行動,繼續推動環保議題。



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。