【多個人多雙筷】基層學生最低畀1成學費上畫班：加個位壓力唔大

基層家庭面對經濟壓力，開支總有取捨，兒女學畫畫、樂器的機會往往難能可貴。
有畫室以「多個人多雙筷」的概念，向基層學生收取較低學費，讓他們也有學畫畫的機會。「遊樂道．夢想天地」聯合創辦人Carl（鄭志明）說，基層家長即使覺得兒女在音樂或畫畫方面有潛質，也不敢讓他們去嘗試：「其實社會資源已經喺度，我哋分少少畀佢哋。社區裡面其實好多畫班開咗喺度，仲有位嘅話，加一、兩個壓力其實唔大。」
攝影：顏寧、由受訪者提供

加枝筆畀基層學生   最多只收四分一學費

「多個學生多枝筆」的計劃已啟動一年，由位於深水埗的「遊樂道．夢想天地」多元智能教育實驗室開始，現在已有30多名基層學生受惠。他們只須付十分一至四分一的學費，就能在畫室上課。Carl連結不同地區的畫室加入計劃，再進行配對，將學生分配到不同畫室上堂。畫室不用特地加開一班讓基層學生上課，同時又能助他們接觸藝術教育。

Carl說，有些學生每堂只需付40、50港元：「淨係用顏料、畀獎品都已經用晒。但係依然要收學費，始終希望用返商業嘅原則去運作，先可以持續到。」

基層學生較少機會參觀展覽、展出作品

除深水埗的畫室之外，目前已經有位於觀塘、太子和西灣河的畫室參與計劃，導師包括曾於香港藝術館工作多年的趙錦誠先生。畫班以「師徒制」教授，沒有統一課程，根據學生能力個別安排課堂。Carl說，導師都是資深的藝術工作者，希望能提供優質的藝術教育予基層學生：「基層細路難接觸深層次嘅藝術教育，透過呢個計劃就可以接觸到唔同嘅老師。」

除畫班外，他們會帶學生到藝術館參觀，又會盡量找機會讓學生展出作品。因為，Carl認為基層兒童需要更多關注和支援：「比起來自中產家庭嘅學生，佢哋嘅機會比較少，會諗啲額外嘅嘢比佢哋試驗。例如帶佢哋去去睇Pixar（彼思動畫）展覽，好多都未去過。你唔特登帶佢哋去，佢哋冇諗住去咁遠。」

最近，學生的作品更於尖沙咀誠品展出。詳看：【圖輯】基層兒童眼中的深水埗 南亞裔街坊像黑豹般高大威猛

冀將來發展至其他課外活動：不為「砌CV」

他說，希望未來計劃能發展至其他課外活動：「每個人有唔同嘅強項，有啲人鍾意煮食、視藝、運動。課外活動先容易畀學生真係搵到自己。」

這裡所說的課外活動不以建立個人履歷為目標，而是讓學生能真正享受過程，發掘興趣的活動。所以，他們這班導師也不鼓勵學生參加一大堆畫畫比賽。就如Carl說：「而家嘅課外活動變左質，係要嚟整CV。教育制度冇得改變，鬧都冇用。希望透過呢個計劃撥亂反正，唔係要服侍學校，而係為小朋友自己成長。」