沙田乙明邨早於1981年起入伙，屬香港房屋協會所發展的甲類出租屋邨（即為有住屋需要的低收入家庭而設的出租房屋）。根據2011年人口普查資料顯示，乙明邨共有10426人居住，在屋邨附近，街市依然保留不少街坊小店。近日，乙明邨街市的燒臘店和茶餐廳申請續租，但投標卻落空，將於明年2月結業。商戶不滿房協事前未有商量租金增幅，燒臘店老闆娘麥太說：「一句就話冇得做啦，今次真係血本無歸！」除了租戶本身生計受影響外，街坊亦婉惜光顧多年的特色小店消失，亦擔心區內買餸價格會上漲。攝影：顏寧
沙田乙明邨早於1981年起入伙，屬香港房屋協會所發展的甲類出租屋邨（即為有住屋需要的低收入家庭而設）。根據2011年人口普查資料顯示，乙明邨共有10426人居住，在屋邨附近，街市依然保留不少街坊小店。 近日，街市的燒臘店和茶餐廳申請投標時，申請不獲房協接納續租，將於明年2月結業。商戶不滿房協事前未有商量租金增幅。燒臘店老闆娘麥太說：「一句就話冇得做啦，今次真係血本無歸！」 鴻記燒臘店已有逾30年歷史，早於乙明邨開邨初期開始經營，是邨內唯一的燒臘店。燒味飯的價錢相宜，無論單拼、雙拼一律25元，多年來甚少加價。 老闆娘麥太說起這件事時面紅耳赤：「我喺度做咗幾十年，一句說話都冇講過就出信畀我，話唔續租、唔接納我。喺度服務咗幾10年，咁都要抹殺我。幾十歲人仲可以做咩？即係唔想畀飯我食啫。」 麥太說，6年前與房協續租時，房協要求燒臘店重新裝修，一下子投資了30多萬：「嗰時佢話要美觀，咁我諗住攞幾10萬出嚟，當買份工啦，唔使靠仔女，可以自食其力。」麥太現在50多歲，本來打算若身體情況許可，則一直經營下去，從沒過突然不獲續租。 麥太說，最不捨相識多年的街坊：「有啲睇住佢大、結婚。真係好唔捨得。」街坊雍小姐正是其中一位熟客，她說：「我小學就開始幫襯到而家啦，好有感情㗎。覺得好可惜啊，舊邨就係應該要保留呢啲風格㗎嘛。」 攤檔每六年公開招標一次，她說，租約將於明年2月結束，之前曾遞交申請投標現時的舖位，按照房協以往的租金加幅，投標租金增加一成多。上月，她就收到房協的通知信指，申請不獲接納，歡迎日後申請房協其他舖位：「咁佢一開始就唔好叫我裝修，咁我而家都有幾十萬。一世人有幾多個30萬？今次真係血本無歸。」 沙田區議員丘文俊指，小店一直以公道價錢售賣食品，亦與街坊建立深厚感情：「呢啲小店係重要，因為連鎖集團會造成壟斷。睇吓領展啲商場，壟斷晒之後比以往（物價）貴好多，羊毛出自羊身上啊嘛。」 金陞茶餐廳的老闆馮先生同樣於上月收到房協通知，明年2月租約期滿就須交還舖位，正式結業。馮先生於兩年前接手經營茶餐廳，當時投資了數十萬，至今仍然未能回本：「接手嘅時候都裝修過，諗住起碼都做10年8年啦。原來誤會咗，唔知只可以做咁短。」 他說，這裡主要做街坊生意，一個炒飯只需30多元，毛利不多：「都係賺份人工㗎咋。」他說，結業後暫未有打算：「真係好突然。可能轉行或者打份工啦，未諗之後點啦。」 後來，他們向沙田區議員丘文俊求助，區議員幫商戶約見房協。會面期間，房協向麥太表示，該舖位已租予「一鮮」，又指希望街市的店舖能變得多元化：「係藉口嚟㗎啦，咩多元化，即係畀大商家做，引入大財團。」 麥太說，雖然房協稱未來會有蔬菜、鮮肉、鮮魚等檔攤，但街市早年引入佳宝食品超級市場，已取替了當時的鮮魚檔：「以前佳寶個位有花店、菜檔、魚檔，之後咪又係冇咗，而家呢度都冇鮮魚賣啦。」 街坊陳女士得知茶餐廳和燒臘店將與明年結業後，大感不捨：「唉，真係會冇咁方便。有時可以落嚟加餸啊嘛。」她說，街市已有佳寶，認為兩家小店結業，會令街市的選擇變得單一：「入面咪有得買菜囉，使唔使咁多菜，食菜飽咩？乜都係大集團。」 事實上，這兩間小店的遭遇確實引起鄰近商戶的憂慮，高恒百貨的老闆娘陳女士說：「佢而家咁做，遲啲收晒都唔出奇。其實遲早燒到埋嚟，預咗啦講真。」她說，假使將來面對同一命運，估計同樣無力抵抗，對未來感到擔憂：「做咗咁多年，講真都係諗住搵兩餐啫，有飯食、有錢交租就算啦。真係好唔啱，真係大魚食細魚，大財團嚟到邊夠佢鬥，呢啲做街坊生意咋嘛。」 沙田區議員丘文俊指，房協不是商業機構，與領展定位不同，應優先考慮居民的負擔能力：「房協商場係公屋配套，必須要以服務乙明邨居民為先。無啦啦要整到好高格調，居民嘅消費力唔係好高。」為此，他發起「一人一信」行動，並表示未來或有請願行動，希望房協能重新考慮，亦希望引起社區關注：「佢收得呢兩間，其他都有機會收，呢次係傳統社區保衛戰。」