【多圖】彩色菲林正片最早記錄40年代香港 歷史系博士:好珍貴

撰文:
最後更新日期:

50、60年代,彩色攝影在香港仍未流行。最近,中華書局推出攝影集《Old Hong Kong in Colour》,全書輯錄300多張50、60年代的彩色照片,有蜑家女孩赤腳走在街上、有西方遊客走在摩羅上街遊覽的景象,亦有深水埗的皇宮戲院外人頭湧湧的盛況,照片最早記錄了香港1948年的夏天,相當珍貴。

照片由香港大學歷史系哲學博士、香港康樂及文化事務署博物館專家顧問林準祥博士收藏,他說:「成本書睇完,睇落去唔只係歷史、建築嘅改變。以往嘅舊照多以街景、建築為主題,呢批照片注重50、60年代喺香港嘅人,較多以記錄人物為主,感覺好有生命,舊香港好有色彩。」

圖片:由中華書局提供

50年代的罕有彩色攝影 

林準祥特別介紹封面照片的故事,攝於1948年的舊滙豐總行大廈:「從舊滙豐總行影過去,見到舊中銀(中國銀行總行)都未有。所有見到舊中銀嘅相都係1951年之後嘅。」他說,以往有些舊照往往沒有明確拍攝日期;反之,這批照片都有寫下拍攝的日期、時間。 

在整本攝影集中,其中150張從未發布,均為彩色攝影,而非黑白照片再作後期加色。林準祥說,這些照片記錄了戰後的香港和華南地區,以彩色正片菲林拍攝,照片更見罕有:「當年好少人會曬正片,好貴,通常都係Slide(幻燈片)咁睇。反而負片就唔會只係曬一張,會有好多copy,所以好多正片唔會出現過喺其他書度。」

點擊看部分輯錄的珍貴照片,從中窺看昔日香港的景觀:

+8
+7
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。