「唔好死」匙扣救了抑鬱症患者　招牌店老闆搞本土書法匙扣

這間在新蒲崗的招牌店，老闆李威找來街頭書法家李漢為其寫字，製作招牌。後來，李漢回鄉，依著字典寫下五千多字，送給李威。第二代老闆，李威的兒子李健明希望保留李伯伯散落街頭的筆跡，進行「李伯伯街頭書法復修計劃」，修復李漢的字體，將其墨寶逐一轉成電腦字體，命名為「李漢港楷」。
字體電腦化之餘，健明更開辦工作坊和製作匙扣。他說，製作匙扣本為「好玩」，沒想到一個寫有「唔好死」的黑底金字的匙扣，竟然打消一位客人的尋死念頭。
圖片：由李伯伯街頭書法復修計劃提供、羅君豪

最初製作匙扣只為「玩玩吓」

大約一年半前，健明身邊的朋友向他提議，以「李漢港楷」製作匙扣，「最初都係玩玩吓，做好畀朋友。後來擺上Facebook，啲人有興趣，就開始咗公開賣出去。」在健明的網店「李伯伯的小屋」上，在匙扣上的文字多是7字以內，特別有本土味道，如「廢青」、「條路自己揀」、「傾計冇相冇得傾」等等。

「唔好死」匙扣打消客人的尋死念頭

如是者，他一直售賣各式匙扣。大約四個月前，他從一位客人口中得知一個故事：「唔好死」的匙扣拯救了一位患有抑鬱症的朋友A。

A最初是參加了健明與長春社文化古蹟資源中心合辦的工作坊，A體驗過招牌製作後，在店內買了「唔好死」的匙扣。後來，有次A的腦海冒出尋死的念頭，關鍵時刻看到匙扣，最終沒有做傻事，後來還開始攻讀博士課程。健明憶述當時的心情：「嗰一刻真係眼都濕，好神奇。係冇諗過嘅，不知不覺間幫到人。」

關於「唔好死」的設計，他從沒想過是「不要去自殺的意思」，最初是出自於年輕人的「潮語」，有「大步檻過」的意思。當時，健明正構思匙扣的設計，向一位訪問他的大專生問意見，就提出了「唔好死」：「佢哋臨入考場嘅時候，就會話唔好死。又好似我之前去北韓，入境前都會有朋友send message（傳訊息）話唔好死。」 

希望令人會心微笑：文字有力量

此後，健明更仔細考慮公開發售的匙扣文字，不要有負面訊息，但訂造產品則不受此限 ：「盡量都想做啲正面意思、會令人會心微笑嘅文字。就算有時網上見到一啲打工仔厭世嘅金句，都會諗好冇擺落常規產品。」因為，他知道文字具有力量，「愈簡單嘅文字，愈有力量。」