【寒冷天氣】廟街煲仔飯東主嘆生意淡薄 露宿者披多件厚外套避寒

撰文:孔繁栩 陳浩然
出版:更新:

今日天氣寒冷,同時下着毛毛雨,天文台預測最低氣溫約12度。晚上油麻地廟街人流不多,有煲仔飯店老闆娘慨嘆生意額不足去年五成,加上自由行減少,以往大排長龍等食煲仔飯的盛況不再,門可羅雀,「以前最高峯日賣400煲,依家最差只有廿零煲」。寒風刺骨,有油麻地露宿者亦難抵寒風,將多件厚外套披上身,準備到社區中心避寒。

興記菜館老闆娘陳女士坦言,雖然天氣轉冷,但生意額只佔往年約四至五成,大不如前,以往自10月起已經大排長龍的景況,如今已一去不復返,「呢度始終係遊客區,少咗自由行,食客量都減少」。陳女士稱以往最旺日賣至少400煲飯,「依家有200煲已經好好啦,之前試過得廿零煲咋」,只佔高峯時期5%。

「個個匿喺室內打邊爐」

今晚市區氣溫不足20度,陳女士指出,其實天氣太凍,反而客量不多,「條街咁凍啲人都唔出街啦,個個匿喺室內打邊爐,邊有人出嚟食飯,如果有20幾度涼涼地,就會多啲人食煲仔飯,不過嚟緊都唔睇好喇」。

至於四季煲仔飯店外雖有人龍,但未算墟冚,負責人未有統計今日客量,但形容「多咗有咩用丫,飲食業死㗎啦」。

露宿者:準備去社區中心

天氣急劇轉冷,民政事務總署今日(4日)在各區開放共18間臨時避寒中心,供有需要的市民避寒。在油麻地榕樹頭露宿多年的長者「馬騮」表示,晚上天寒地凍,準備到梁顯利油麻地社區中心留宿,為抵抗嚴寒,他亦準備十足,將多件厚厚外套穿上,度過今晚。