余香凝稱分手不涉及第三者：嗰位先生係多年好友 最近一齊開餐廳
撰文：鄺鈺瑩
出版：更新：
余香凝在聲明中表示:「希望大家比啲空間我同家樂，好好處理自己情緒，我好開心佢最近嘅工作有好大起色。」
余香凝同陳家樂分手，女方被指搭上保險才俊，結果遭網民指責拜金。余香凝今午透過公司作出回應，表示報導刊登之後，令家人、同事感到擔心，又指牽涉當中的人太多，大家都為此事而無覺好瞓。「我同家樂都分開咗差唔多有一個月嘅時間，我哋係有共識地坐低慢慢傾，和平地分開。我哋一齊咗幾年時間，大家可能有啲位意見不同，一路都冇辦法達成共識，最後選擇去分開。我哋唔係有心去隱瞞大家，因為最近我哋都有好多工作，所以諗住處理好所有事情先同大家宣佈。」
陳家樂早已認定余香凝為結婚對象，故二人突傳分手，令不少人感到錯愕，但余香凝就強調不涉及第三者。（資料圖片）
余香凝強調從沒有消費陳家樂，更指他是個十分努力的演員，而她亦強調二人經濟獨立。「我余香凝絕對係一個好獨立嘅女仔，我由出嚟做嘢到而家，我都係自己搵錢自己用，甚至乎係負擔埋屋企，我絕對係有能力去養自己，所以我唔需要家樂使錢喺我身上，又或者係拜金、追求名牌，我同家樂嘅財政係完全獨立。」
【專訪】 陳家樂無緣與陳偉霆組Sun Boy'z：只怪以前唔知自己要乜
余香凝在聲明中，一再強調分手並非因第三者，並以「嗰位先生」形容疑似新歡Victor，指對方是她認識多年的好友，而最近二人因投資餐廳而有更多的接觸。「我嘅工作好忙，而餐廳月尾就要開張，我嚟緊要離開香港一個月，所以有好多好多嘢都未處理，每一日就算我做嘢做到幾夜都好，我都會上去佢哋地方度同大家一齊開會，而佢哋地方係有屋企人同埋其他生意伙伴，所以我哋絕對唔係單獨喺間屋度相處。」