TVB主播郭浩皇（Alex）今年年頭宣布加盟新公司做樂壇新血，為新晉樂隊 Canband擔任主音。不過，最近他就宣布散Band，決定分開發展：「本來原定同樂隊8月份出歌，但因為疫情關係，公司亦有工作人員受感染，所以大家都隔離了好一段時間。趁這段空閒時間，我考慮清楚之後在音樂走嘅方向。細心考量後，同隊員商量過，認為大家確實風格不同，覺得自己同樂隊分開發展反而係對大家更好。」

雖然散Band，但Alex仍會堅持音樂路：「認識 CANBAND 之前其實我一直都有寫開歌，亦都儲緊錢會一首一首咁推出。所以而家算係還原基本步，將會專注做返自己嘅音樂。雖然唔同以前，但係同幾位好兄弟所建立嘅感情一路都會喺度， 所以之後可能被編曲上面都會請返佢地幫手, 一齊玩，哈哈 。（香港玩Band係咪好難？）Vocal嘅錄音同監製一樣用唔少錢，大概3到6萬。香港做 Band 難嘅地方係你用咗6萬做一首歌，但係要首歌幫你搵翻6萬幾乎冇可能。」

同場加映：FaceApp｜男星變肥現印度Bollywood風味　洪天明竟不似洪金寶！