張繼聰添新成員湊三個好字　期待做爺爺：我個女得八歲係咪太變態

「第43屆香港電影金像獎」頒獎典禮將於4月27日在文化中心舉行，金像獎董事局主席爾冬陞今日（25日）攜同文雋、張繼聰、劉天蘭、錢嘉樂等一眾董事及何啟華、魏浚笙等頒獎嘉賓一同出席入台拜神儀式。張繼聰在儀式後受訪期間，透露最近家中增添新成員，領養了一隻小狗加入大家庭，阿聰表示：「我新嗰隻小狗，大個咗會好大隻，唔係咁多人容易有咁嘅環境，唔係話我有！係我能屈能伸啫！」

金像獎董事局主席爾冬陞攜同一眾董事出席拜神儀式。（陳順禎　攝）

張繼聰表示小狗昨晚首次入住家中，令太太謝安琪與自己都沒好好睡覺：「好似BB仔咁，成晚又叫你、起勢咁痾尿、成晚係咁咬個玩具，所以成晚冇覺好瞓！不過有種新任爸爸媽媽嘅感覺，都好開心。」張繼聰表示小狗為雄性，非常「識撈」對自己黐纏，與家中其他小狗亦相處融洽：「屋企人嚟講我有一對仔女，狗仔嚟講依家都有兩男兩女，所以儲到三個『好』字！」

談到家中成員剛好湊成「好」字，張繼聰表示再添丁的機會不大：「我諗冇乜咁嘅機會，寄望係做阿爺囉！不過等我個仔大個啲先啦！」至於期待成為爺爺抑或外公，張繼聰笑指：「我諗照睇都係做阿爺先！我個女得八歲，你哋係咪太變態呀！」