【超時空男臣】大結局有伏線 開拍第二集有黃翠如份？
撰文：黃梓恒
出版：更新：
《超時空男臣》話咁快就大結局喇！
劇集《超時空男臣》終於大結局喇，劇集出街以來一直都被批評Cult味太重，尤其是當「人雞大戰」出現之後，更加令人為之一愕，心諗：「我睇緊乜嘢？」。不過膠有膠味，反而令到一眾觀眾想看他如果膠下去，看他收視平均保持有27點，就知道有一班觀眾一邊笑一邊收看。
咁得意嘅雞都出埋，邊夠你玩啊！
今次大結局講述朱家軒（吳業坤飾）終於做了天朝飲食集團的主席，而張誠（鄭子誠飾）亦帶同卓華（徐榮飾）返回明朝。不過大軍（蕭正楠飾）就好驚訝張誠已經重返古代，所以急於返回明朝救駕，而小冬（何廣沛飾）亦坦誠自己是禍國的魏忠賢，所以並不想返回明朝，因此事令到大軍和一波（曹永廉飾）爭拗，大軍最後更與一波小冬決裂。不過經過一輪風波之後，大軍終於決定放棄返回明朝，決定留在現代繼續生活，之後自自然然是一系列的開心事後結果，升職嘅升職，結婚嘅結婚。
一切搞掂晒，以為會大團圓結局。（網上圖片）
當大家以為會開開心心BBQ結局，原來張誠返回大明後，宣布大軍、一波、小冬和太子妃（王君韾飾）已經身亡，卻令到他們四人在現代忽然心絞痛兼困𨋢（唔好問點解會困𨋢，可能係影響氣場），他們一醒來就發現人面全非，所有熟人都不認識他們。之後他們翻查史書，才發現因為他們在明朝的死已改變了歷史，繼而影響現代的發展，所以他們決定重返大明撥亂反正。這個時候，大軍堅持要見惠芝（田蕊妮飾）最後一面，最後佢哋見上一面，但大軍竟然無相認，究竟做乜？好大個玄機呀！不過佢都承認自己喜歡上惠芝，《超時空男臣》就此落幕。
最後佢哋見上一面，但大軍竟然無相認，究竟做乜？（網上圖片）
先不論大家接不接受這個結局，不過明顯就有條伏線想繼續下去，而且根據消息，《超時空男臣》將會開拍續集，不過今次不再由古代返回現在，而是由現代返回古代。傳聞還有黃翠如加入劇組，不過究竟是否成事，就要看之後的發展了。