【星光薈萃頒獎】三哥苗僑偉奪最佳男主角：三嫂，呢個獎係你㗎！

三哥現身，真係估唔到。

今次《TVB 馬來西亞星光薈萃頒獎典禮》的最佳男主角爭得十分激烈，本來以為不會爭獎的三哥苗僑偉都現身馬來西亞，更添變數。再加上兩個當紅小生王浩信和陳展鵬，在《星和》頒獎禮上，王浩信已經先贏一仗，比起陳展鵬，王浩信今次有兩套熱門劇上映，但係陳展鵬在大馬受歡迎的程度絕對唔講得笑，已經連續兩屆做大馬視帝的他在大馬擁有大量粉絲，所以今次真係爭崩頭。

今次真係爭崩頭。（網上圖片）

既然三哥嚟得，真係無理由唔係頒俾佢喇，講咩佢都贏晒咁濟。而且佢超得到其他演員尊重，個個都起身向佢道賀，「多謝羅老師（羅冠蘭），從影40年喇差唔多，做咗咁多頒獎禮，人生第一次攞到重要獎項，萬般味在心頭，多謝投我嘅觀眾，多謝TVB，多謝企鵝影業打造《使徒行者2》。我唔知仲有無機會上頒獎台，我有一個人一定要多謝佢，我想多謝佢好耐，04年佢帶返我入TVB大家庭，第一部係《學警雄心》，呢個人俾咗好多機會我，一直都想多謝佢，但我唔爭氣喇，而家先有機會，就係梁家樹先生。最後我要多謝，身兼數職，喺我身邊支持我嘅三嫂，呢個獎，係你㗎！」

三哥都講到眼濕濕。