【開心速遞】送水輝同大小姐終於開花結果？ 許家傑：係有變化
撰文：黃梓恒
出版：更新：
最近《愛·回家之開心速遞》又成為熱話，事關收視率竟然超過台慶重頭劇《溏心風暴3》，而且大小姐（林淑敏飾）和送水輝（許家傑飾）這條感情線被放大，大家都對大小姐十分有好感。其實除了這條線，其餘的劇情雖然也分開幾條線去，但大家不會覺得混亂，相反條條線都有追看性，不像《誇世代》太雜亂無章，難怪觀眾會愈來愈喜歡，而且長做長有。
大小姐近排好紅。（電視畫面）
不過大家其實主要都是對大小姐和送水輝這對鴛鴦最有興趣，在大小姐不停發起猛攻追求送水輝的時候，他卻沒有甚麼興趣。送水輝，即許家傑在接受《香港01》訪問時表示：「而家同大小姐嘅關係都算微妙，由一開始佢好瘋狂咁迷戀我，到而家中段其實開始有少少轉變。因為我知道佢鍾意我，但我個囝又出現咗，通常有錢人都心理變態同鐘意控制人嘛，咁我唔想個囝有咁嘅後母。點知我個囝好支持我同大小姐一齊，所以呢個關係會有變化，我之前喺劇都講過絕對唔會同大小姐一齊，但因為個囝咁樣諗，搞到送水輝對大小姐嘅感覺又唔同咗。」
送水輝出現後，更多人認識許家傑。（電視畫面）
在張景淳也加入劇組後，加上許家傑，會有很多跟呂慧儀的戲份，不過送水輝繼續跟大小姐談情，還會有新進展，許家傑繼說：「暫時我就唔會同阿蟹，因為之前講過我呃佢，但之後做咗同事就無咩事喇。而家暫時都係同大小姐有感情關係，之後開始大小姐會有啲事搞唔掂，咁就送水輝去幫手解決，中間又會有啲了解嘅過程，例如辦公室入面要炒一個人，雖然係大小姐主動要炒，但其實都係迫得不已，而我就會去幫佢處理。慢慢其實送水輝開始理解佢多啲，變咗唔會剩係佢鍾意我，我都慢慢對佢有啲好感咁發展。」
究竟之後佢同大小姐會唔會一齊呢？（電視畫面）
+4