阿嬌鍾欣潼結婚 楊受成讚好仔:又斯文又有份好職業

撰文:鄺鈺瑩
出版:更新:
阿嬌雖然未有確實的婚宴日期,但老闆楊受成就話會包晒所有酒席。(鄭子峰攝)

阿嬌被求婚成功,身為老闆的楊受成大讚其男友「好靚仔」又笑言阿嬌「真係執到」。楊受成出席惠英紅的生日晚宴時接受訪問時提到阿嬌男友:「佢又斯文,又有份好職業,今早阿嬌wechat告訴我時,我都係回佢你執到啦」
問到楊生會否包起阿嬌婚禮的酒席,他表示無所謂。「又唔係好多錢。」在旁的經理人Mani提醒楊生古巨基婚宴時也全包,楊生聽罷不禁頭擰擰「佢同容祖兒每次來我辦公室都無好嘢,都係搶,哎!仲有謝霆鋒!佢前幾日同我講北京鋪頭要裝修,問我資助幾多,我話一半,但都百幾萬,真係重傷。」

楊受成大讚阿嬌的未婚夫好仔,笑言阿嬌真係執到。(鄭子峰攝)