42歲陳奐仁大變身 可愛胖變身剛猛肌肉男:我都認唔到自己

撰文:黃梓恒
出版:更新:

今年42歲的陳奐仁,相信大家對他的一個印象當然是Rap,在上年更加返內地拍攝中國Hip-Hop節目《中國有嘻哈》而在內地獲得知名度。不過講到第二印象,一定是他肥嘟嘟的身型,加上他的樣子十分和善,整個形象是十分可愛的。不過觀眾們可能好快就是改變你腦中的印象,事關今日他在其Instagram上放出了一段健身片段,他以張家輝在《激戰》中的訓練方法瘋狂操練,身上的肥肉漸漸變成肌肉,相信不久將來就會變成大隻仔。

可愛型小胖的陳奐仁。(網上圖片)

他在其Instagram上還寫道:「連我都認唔倒自己。I don’t even recognise myself!#見証奇蹟」唔好話佢自己,相信遮住個樣就大家都認佢唔到呀!佢仲話係張家輝彭于晏𧶽我力量,因為兩個在《激戰》入面都係瘋狂操練。不過最抵死嘅係,個個減肥操肌都要節食,但佢就話自己日日食薯片,認真巴閉!

真係好勁!(網上圖片)
+4