【開心速遞】劉丹處境劇之王 最深刻《真情》加長版砌低亞視
撰文：黃梓恒
出版：更新：
上回講到，丹爺劉丹因為時間問題所以不會返大陸拍戲，事實又的確如此，即使不用湊孫，丹爺都很難抽空返國內拍劇。其實不單止《開心速遞》他是一個重要角色，幾乎所有處境劇丹爺，根本上是處境劇之王！由《真情》開始到《皆大歡喜》時裝古裝版，《畢打自己人》、《天天天晴》再到《愛‧回家》，全部都有丹爺。
《真情》入面做叉燒炳。（網上圖片）
拍了近二千集處境劇，丹爺最深刻原來是「叉燒炳」，他說：「其實個個角色我都鍾意，當然《真情》係第一次做，而且做得咁長，破紀錄咁濟，係1128集，做咗五年幾喇。係呀，呢個紀錄點會記唔清楚，入晒腦喇。」連1128集都即場記得，勁呀！其實仲有一件事關於《真情》是丹爺特別深刻，是關於已經死過返生的亞視事！
丹爺一嘢就講得出《真情》嘅集數，真係好深刻。（梁碧玲攝）
丹爺說：「嗰陣有一段時間，可能大家都唔會記得㗎喇，我哋要同友台鬥，有半年時間係將半個鍾頭時間加多15分鐘，一個星期要拍5集45分鐘嘅嘢。咁嗰陣就辛苦喇，因為始終加15分鐘嘅嘢唔係容易，不過最開心係我哋始終都打贏咗，呢個記憶真係永遠都記住喺度。」
打贏亞視真係一世難忘。（梁碧玲攝）
既然拍了如此多的處境劇，究竟有甚麼秘訣去處理這種角色呢？原來最緊要都係打好一際關係！丹爺表示：「處境劇其實部部都一樣，係一開頭幾十集人物同佈景唔同，呢段時間就會有一個適應期，觀眾睇都一樣有個適應期，因為都未搞清楚個人物關係。之後開始大家都會合作得好純熟，好似而家《開心速遞》咁，阿蟹（呂慧儀）出到街都會叫阿爸，我都慣咗喇，真係好似一家人咁，拍起劇上嚟就自然好多。馬家嗰時亦都係好開心，而家徐榮、諾懿嗰啲都係叫我做老豆，（成個TVB都係你仔女？）都唔出奇㗎，哈哈！」丹爺人緣如此好，可能演過佢個囝嘅人都會走埋去叫聲老豆！
隨時成個電視台都會叫丹爺做老豆。（微博圖片）