【飛虎之潛行極戰】點擊量破7億 吳卓羲盼「無線五小生」重聚

撰文:朱奕錦
出版:更新:

【飛虎之潛行極戰】吳岱融做黑警 張兆輝苗僑偉中佬鬥chok

網劇《飛虎之潛行極戰》越演越烈,網絡點擊量已突破7億,今日吳卓羲(Ron)出席活動時,表示自己都有追劇,對收視相當滿意,至於會不會開拍續集就是一個未知數。

吳卓羲表示對《飛虎之潛行極戰》點擊率非常滿意,至於會否有續集就暫時未知(梁碧玲攝)

【飛虎之潛行極戰】吳卓羲收友情價接拍:片酬係抵畀,我係抵用嘅

這套劇作為阿Ron、林峰同黃宗澤(Bosco)多年後的再次聚首,對於好多fans來講,都非常懷念當年無線五小生一起的日子。其實阿Ron自己都好期待五個人可以再次合作:「未必可能係拍套電視劇、未必可能係拍電影,可能拍個廣告,或者係一個綜藝嘅節目即係都會想去做下啦,即係或者係一日半日,我哋五個人,講返即係以前我哋嘅嗰個時候,個一點一滴呀,即係其實可能觀眾會好想知道我哋點樣去成長咁樣囉。」看來阿Ron分分鐘比大家更恨五人重聚呀!

【飛虎】吳卓羲演勻警署上下各部門 網友:下套係咪做一哥?

阿Ron表示一直以來都好想有節目去講無線五小生的成長點滴(梁碧玲攝)

早前就有網友製作出一張阿Ron由古至今扮演捕快和警察的「履歷表」,除了發現阿Ron做過警署上下各個部門之外,好似都是衝動派的代表。不過,阿Ron坦言自己在生活中就並非衝動類型:「我衝動就唔會入行啦,即係我衝動就入唔到呢行啦。」阿Ron表示,一套劇裡面,一定會有一動一靜,可能自己的樣子看上去比較衝動火爆,所以導演都覺得不妨一試,結果都引起大家共鳴:「其實喺呢部《飛虎》裡邊,我已經係酌量同導演傾過,咁我哋有好多嘢就唔想話太過小朋友嘅時候,咁喺呢套《飛虎》裡邊就已經演得係成熟同埋大過咗好多喇。」阿Ron的進步,大家都有目共睹喇,相信劇集接下來的發展會令人更加期待。

雖然阿Ron看上去好似是衝動火爆,不過其實生活中就並非如此(梁碧玲攝)