為闖影壇遠赴北京讀演藝課程　唐貝詩大呻：冇啖好食冇覺好瞓！

屬名人之後的唐貝詩（Lydia）年前硬闖娛圈發展，為提升演技曾拜名師黃秋生及甄詠蓓門下學藝。轉投新經理人公司後，Lydia片約不斷，隨即啟動「迎戰」mode，於新片開機前，報讀北京電影學院的暑期表演進修班，展開近一個月「冇啖好食，冇覺好瞓」的學習生活。

對於重返校園生活，Lydia表示感覺既充實又開心：「老師教得好專業，個個同學都好努力，我都畀佢哋感染咗，一早8時半上堂，因為塞車，我要6時起床再搭個多小時車回校，本來下午4時半已下課，不過同學好好，知道我上台詞班時講普通話未夠字正腔圓，加上其他省份來嘅學生都需要矯正少少發音問題，所以大家會集合一起進行補課，練習背詩同朗誦，亦有自編自演式排戲。」

而演藝課程包括有表演、台詞、形態及聲樂班，眼見老師的悉心指導與同學的勤奮進取，Lydia形容大開眼界：「每天我與同學都會補課至很晚，匆忙地食完晚餐回家已9點幾，還要做功課同練習，凌晨才去睡，隔天又早起，真係好累，老師講過要早睡早起，就算晚睡都要早起，我都好聽佢話。」雖然Lydia的同學大都有演出經驗，但也像她一樣為了增進演藝知識而抽空前來上課。