【港姐2018】2號庄嘉慧告別風癩 首度以泳裝亮相狀態大勇
撰文：黃欣華
出版：更新：
《2018香港小姐競選》20位候選佳麗今日（二十一日）再次以泳裝亮相，但由於2號庄嘉慧上一次因全身生風癩而缺席泳裝環節，所以今日是她首度以泳裝亮相，難怪她直言今日比較緊張：「第一次以泳裝見記者，都有啲緊張。〈皮膚狀態好咗好多？〉好咗好多喇，所以去到決賽應該更加無問題。〈事前有無特別keep？〉因為呢排訓練令運動量大過吸取量，其實我唔驚食嘢會肥，反而無時間做訓練腹肌的動作，令身形未係成個出晒嚟。」
雖然風癩好返7788，但身上仍然有唔少疤痕。〈陳順禎攝〉
對於今年觀眾有份參與投票，庄嘉慧就稱自己還未在網上開live與網民聊天：「我想同班fans講聲唔好意思，其實我好想開live但真係無時間，因為呢幾日排練返到屋企都成夜晚12點，所以反而我想多啲休息，我想到決賽以最佳狀態示人。我都會玩facebook，希望大家到時多多支持。」對於日前眾佳麗在網上平台big big channel中以15秒表演才藝，惹來唔少負評，庄嘉慧就坦言準備時間不足，決賽當晚的才藝表演絕不馬虎。