傅嘉莉迷上食雞 用《特技人》角色名秦臻晚晚煲game
撰文：張嘉敏
出版：更新：
傅嘉莉 (Kelly) 作為一位藝人當然時刻都要以最佳狀態示人，model出身的她對自己由頭到腳的保養都有好高的要求。Kelly表示：「貪靚係為咗工作需要，之前做model仲要keep頭髮唔染得髮，keep指甲唔可以整指甲，試過有次為一個大化妝品牌casting，要我哋即場落妝睇皮膚靚唔靚。我為咗今日出活動，尋晚都喺屋企做咗兩個鐘treatment。」
Kelly近期迷上咗食雞。（張嘉敏攝）
不過當唔使工作時，Kelly就可以唔使扮靚休息一下了，她說：「我個人都有好hea嘅一面，喺屋企會連頭都唔梳頭，求其夾起就算，家居look啲衫褲完全係九唔搭八的，同埋全部都好鬆身，最緊要舒服。」Kelly自爆近期仲迷上了玩online game：「係我人生第一次玩online gam ，我玩食雞，我覺得自己玩得叻㗎，玩咗一個月已經去到黃牌 (僅次於最高級別) 。我用我喺《特技人》入面個角色名秦臻做ID，通常每晚12點後就會玩，玩4場左右。有真實嘅朋友一齊玩，都有喺game入面識咗好多朋友，有嘅男仔會讓武器畀我。（發展online game情緣？) 咁就真識要認識耐咗先。」