【港姐2018】雷莊𠒇將卸任講byebye　原來仲有一年死約綁住冇得走

《香港小姐2018競選》即將開始，今日（8月25日）20位佳麗在TVB電視城進行試戴后冠採排，19號楊帆更抽籤抽中成為試戴后冠的佳麗，而上年2017年香港小姐雷莊𠒇（Juliette Louie）更回到電視城頒贈后冠。不過明晚（8月26日）的《香港小姐2018競選》可能是大家見到雷莊𠒇的最後一天，因為她已決定不續約返回加拿大發展。

對比起其他歷任的香港小姐，雷莊𠒇（Juliette Louie）在過去一年的工作機會真的少之又少，尤如人間蒸發一般。傳聞因Juliette的觀眾緣不佳而受到TVB冷待，不過她本人在之前的訪問中，卻指過去年出席不少慈善活動，並否認傳聞。姑勿論真正理由如何，Juliette已決定往加拿大追尋她的演員夢。今日（8月25日）她接受《香港01〉訪問時，談起成為香港小姐的感想，她說：「我個生活唔同咗，宜家出街都要化少少妝，但係壓力都係一樣，冇乜壓力，都係玩下，Enjoy我成為香港小姐嘅過程，同埋好開心可以識到一班姊妹，Emily、Boanne、中華小姐，我哋真係做咗好朋友。」

談到過去一年的港姐工作，似乎被TVB冷待，雷莊𠒇（Juliette）解釋說：「呢個都係公司安排，但係我都學到好多嘢，呢一行同埋公司關係上面嘅經驗，學咗呢啲嘢之後，我希望可以帶返去加拿大嗰邊，發展多啲，醒目啲。」雖然名義上明天就是Juliette港姐的最後一天，但原來Juliette與TVB之間還有一年的經理人合約。「Technically（技術上），我同公司仲有一年，走咗之我一路都係under佢哋management（經理人合約），所以我都可能，有機會，如果呢度有嘢做，可能都會返嚟。因為Technically都係有一年management。」

即是變相雷莊𠒇還要留在TVB一年，而這一年還有機會是零工作。雷莊𠒇語中帶點無奈的說：「咁簽咗約就係簽咗約，哈哈。」