女神竟然有「死角」？ 李佳芯：化妝師叫我千祈唔好曬黑！
撰文：賴家杰
出版：更新：
李佳芯（Ali）今天（2日）出席極限挑戰活動，訪問中Ali直言從少已經是一名運動健將：「細個時候會玩比較多啲呢類運動，會玩繩網、平行木及高低綱等，不過比賽就少參加。」問到為何會喜歡學這麼多運動？Ali笑言：「貪玩囉，又學下騎馬學下潛水，咩類型都學少少咁啦。」
李佳芯（Ali）今天（2日）出席極限挑戰活動。（梁碧玲攝）
不知道極限運動之中Ali覺得最大挑戰是什麼？Ali直言：「其實我有少少畏高，譬如我玩攀石攀到好高再望返落地下，我會有少少畏高，呢一點係我玩完先發覺，但又覺得發現到自己多啲唔同嘅一面，（有冇玩過笨豬跳？）冇，未有機會，我已經過咗玩笨豬跳嘅年紀同冇勇氣，反而我想玩跳降落傘，係飛機跳落嚟個一種。」
Ali原來有畏高，仲講笑已經過咗玩笨豬跳嘅年紀。（梁碧玲攝）
Ali透露家中因為有兩名哥哥，所以從小時候開始玩的事情比較「男仔頭」。問到Ali什麼類型女生會較吸引？Ali直言：「其實我幾鍾意女仔短頭髮同曬黑，因為我身為女生知道要短頭髮又要靚係唔容易，我就好明顯係曬黑唔好睇，因為有一次化妝化到好黑，然後我化妝師同我講千祁唔好曬黑，因為話我曬黑完全唔靚，所以我知道黑唔襯我。」
+5