《反黑》fb上載照片隱藏巨星疑似現身 宋本中:張相有啲暗示

撰文:鄺鈺瑩
出版:更新:
《教父》乃荷里活經典黑幫片,《反黑》如有以上人物加盟,定必十分震撼,不過有網民指要搵馬龍白蘭度可能要先搵龍婆請佢上嚟。

網劇《反黑》去年播出後大受歡迎,連Netfilx都即時入手上架,導演宋本中落實開拍第二、三季,更透露將會有荷李活世紀級演員加盟,令唔少劇迷都十分期待,之不過,成件事都一直只聞樓梯響……直到日前《反黑》的fb專頁上載了一張有齊馬龍白蘭度、阿爾柏仙奴以及羅拔迪尼路的照片,除寫上「3 in the one 」之外,並以「覺得難以置信」形容心情,莫非真係會有教父降臨?!

陳小春將會拍攝《爸爸去哪兒》第6季,再加埋《反黑2》,都好忙吓。

其實宋本中之前就已經話過因為有Netflix願意幫手搵演員加盟《反黑》續集,所以荷李活演員出演不是夢,如今呢個《教父》照片是否有所暗示呢?宋本中接受訪問時就大關賣子:「係未好特別先?好有意境架,係有啲暗示,不過你都知依家唔講得住,但到時一定會好震撼。」宋本中指劇本已經快將修改完成,而一眾主角亦隨時可能埋位開拍,更指今次絕對係值得期待之作。