【特技人】父子爭執爆演技網民激讚 譚俊彥：真係一巴摑落去
撰文：黃欣華
出版：更新：
TVB劇集《特技人》雖然被網民略厭特技埸面未夠多，但進入結局篇，劇情亦越來越精彩。日前就講到冠一〈楊凱博飾〉因考試壓力，在補考當天暈倒入院，爸爸大志〈譚俊彥飾〉為了冠一人生著想，決定忍痛把他送去外國讀書，唯冠一並不大理解，父子起爭執，大志更狼心摑了冠一大巴。當中二人演技大爆發，冠一的喊戲，令人看到都心痛。
【特技人．專訪】沈卓盈洗脫「大台花瓶」：出幾多努力有幾多成績
日前譚俊彥為送兒子到外國讀書，不惜出絕招狠心打仔，至離別之時，他與朱晨麗都不禁落淚，盡顯不捨之情，場面相當感人。很多人都會以為與小演員拍掌摑戲一定是借位拍攝，但譚俊彥就透露是真打：「無借位，真係一巴打過去，打咗都兩巴。我哋事前有溝通過，阿仔好專業，佢覺得唔洗借，佢媽咪都在場，最後都好順拍完。」年紀輕輕的楊凱博演得咁投入，難怪會被觀眾讚好戲。
送走兒子一刻，Man爆的大志亦落下男兒淚。〈《特技人》劇照〉
譚俊彥亦自爆小時候經常與父母嘈交，他表示：「我細個好唔聽話，成日同父母嘈交，所以我加拿大畢業返嚟拍電影之後，就自己搬咗去台灣，再搬去北京。」為了逃避家人，試過遠走他鄉，但譚俊彥成家立室，明顯成熟不少，現在不時都會與父母家庭聚會，與父母關係相當好。
連狄龍都唔驚，果然是龍之子。〈微博照片〉
其實較早前，譚俊彥在劇中發現兒子偷偷摸摸上網，擔心兒子學壞，決定向他施教性教育，當中含蓄得來又不失趣味的演繹，亦令觀眾啼笑皆非。《特技人》目前的收視是22.3，比上星期升了0.9，希望收視再繼續上升。