【後生仔傾吓偈】馮盈盈係投訴高手 網購遲遲未到：忍唔住發脾氣
撰文：秦志鴻
出版：更新：
由麥明詩、馮盈盈（FYY）以及陸浩明主持嘅無綫節目《後生仔傾吓偈》最新一集以「投訴」為話題，一齊分享吓啲無理投訴咁。其實香港素來有「投訴之都」嘅稱號，FYY作為香港小姐，香港嘅代表，當然唔會缺乏呢種特質！原來仲係「高」手嚟添～
【後生仔傾吓偈】麥明詩狂爆另類性暗示 博士級馮盈盈都接唔到口
FYY就係投訴高手，麥明詩就係應付投訴嘅高手！提到一單有家長向教練投訴問佢點解個小朋友嘅比賽成績咁差嘅時候，麥明詩話佢會咁講喎：「係佢個天賦唔夠，唔知係咪個基因唔夠好。」真係講得出？（電視畫面)
事源係FYY屋企樓上裝修搞到佢朝朝都無覺好瞓，所以佢就決定上網買個所謂嘅隔音枕頭等自己可以安心入睡。豈料件貨就遲遲未到，由原先兩個月嘅貨期搞到最尾兩個幾三個月先到，FYY終於都忍唔住：「樓上裝修完都未到！我真係忍唔位要發脾氣！」結果，FYY最後打去投訴，仲成功拎咗個10%嘅折扣優惠添！不過最眉精眼企嘅都係6號，走去問FYY個枕頭嘅隔音功能，FYY無奈咁話：「無，完全無。」即係話FYY投訴成功，最後得到擺設一件，高手！