【3日2夜】陳詩欣首度以水著出鏡 瀡滑梯勁驚走光：玩到咿嘩鬼叫
撰文：陳栢宇
出版：更新：
陳詩欣（Eunice）早前為節目《3日2夜》，與拍檔陳睿雯遠赴韓國拍攝。繼上星期六（8日）播出的食蠶蟲驚嚇畫面，即將播映的一集亦睇頭十足，事關陳詩欣為觀眾獻出自己「第一次」，她接受訪問時說：「今次係第一次著泳衣拍攝，最性感嘅一次，以往都係著背心短褲上陣。」在節目中穿上大露背紅色泳裝的她就因為要玩水上樂園的滑梯，所以做足安全措施：「首次着泳衣出鏡當然有啲緊張啦，因為要玩水上樂園，所以每拍完一個鏡頭，都走去問導演，好謹慎去檢查，睇下有冇走光。」又笑指玩到滑梯玩到「咿嘩鬼叫」兼面容扭曲。
露出美背的陳詩欣直言今次是最性感的一次出鏡。
點擊下圖觀看陳詩欣的水著相：
+5
雖然韓國出名多美食，但係陳詩欣都不敢食得太多，始終都要以水著示人，又指自己為了能靚靚出鏡，下了不少苦功：「由於所選泳衣係大露背，其實揀完呢套泳衣後，我都不斷去做磨沙，等背脊可以再滑啲。」問她有否因為身穿性感泳衣而有艷遇？她坦言：「雖然喺街上見唔到韓國型男，但今次拍攝其中一個節目係去睇K-Pop，坐第一排睇韓星，所以都算係有見到靚仔，好開心可以咁近距離睇韓星表演。」
除了水著，陳詩欣亦有以韓服亮相。