痴男送過百萬鑽戒力追？ 傅嘉莉：我比較傳統，結婚先會收
撰文：吳子生
出版：更新：
傅嘉莉（kelly)今日（14/9）盛裝出席「香港珠寶首飾展覽會」為珠寶品牌擔任模特兒，配戴過千萬鑽飾華麗登場。「好早之前初初出嚟做嘢，每次我都會儲起部份嘅錢，買我第一份禮物鑽石耳環俾自己，之後再買鑽石頸鏈，然後再買手鏈同戒指，依家儲到有五件咁多，如果有大型節目我都會佩戴，有時候都會諗番佩戴嘅時候，出席緊咩節目，都會有令一番感受，所以鑽石好有紀念價值同故事。」
Kelly大爆金剛喺日本好鍾意去藥妝店買藥水膠布，笑佢堪稱為「藥水膠布達人」。（吳子生攝）
此外Kelly試過有男仔追嘅時候，送過名貴鑽石戒指，雖然心動，但最後都冇接受到。「當其時見到喺好開心，隻戒指好靚，但就覺我大家仲喺起初嘅階段，我本身比較傳統，覺得收鑽石戒指應該喺求婚又或者結婚嘅時候收，所以當時拒絕咗佢呢隻鑽石戒指。」
Kelly拍飲食節目，其間難得有時間盡情血拼（吳子生攝）
無綫劇集《特技人》曲終人散經已播完，傅嘉莉憑「津津」一角成功入屋，俘虜不少視迷，榮登人氣女王之首，變成多產藝人。全新一輯無綫節目《街坊廚神重出江湖》顆拍小儀、金剛同步亮相。「當我收到通知話去日本做呢個飲食節目，真係好開心，因為我係第一次做飲食節目，試過有次我哋夜晚去行街，行到凌晨兩點，發覺成條街都冇哂車，搵咗好耐，先有間店鋪嘅職員，幫我哋Call相熟的士送我哋返酒店，雖然拍攝過程緊密，但喺好開心又好玩嘅。」
+1