楊盼盼燒傷汪明荃擔心 憶起40年前拍《書劍》令黃淑儀見紅
撰文：賴家杰
出版：更新：
早前颱風山竹來襲，Liza姐（汪明荃）也在網上呼籲大家注意安全，Liza姐今日（18日）出席活動時亦坦言受颱風影響：「其實早兩年颱風都好勁，令間屋入晒水，所以我今次便醒覺，買咗好多膠紙，其實最緊要爆玻璃時候碎片唔會傷到你，所以其實膠紙好有用。」
Liza姐屋外範圍也有很多樹木倒下來，Liza姐亦指清理了很久：「我同工人都一起落手落腳做，都冇辦法㗎啦。」對於中秋節那天也會有颱風，Liza笑言：「都係冇辦法㗎，打到嚟先算啦。」
早前颱風來襲，Liza姐（汪明荃）一早做好防風準備。（葉志明攝）
提到老公家英哥（羅家英）人在吉隆坡拍電影《大地回春》，但拍攝期間卻發生火災意外，雖然家英哥當天幸好不在現場，但演員楊盼盼卻因此受傷，Liza姐表示相當關心這件事情：「家英哥就話我聽，我叫佢即刻同盼盼講要慰問佢，盼盼亦都畀咗一段Video我，佢話冇事，意外大家都唔想見到，佢好驚。」
Liza姐更提提大家一定要注重安全，尤其是要拍攝很多危險場面時候。問到她演戲生涯中最危險一次是什麼？「我試過有一次同黃淑儀拍《書劍恩仇錄》，我哋兩把劍比拚，然後削到佢即刻流血，好驚呀好內疚，所以我對佢一定好好。」
Liza姐很擔心楊盼盼被火燒傷的事情。（葉志明攝）
+1