【後生仔傾吓偈】陸浩明為馮盈盈申冤：佢只係轉述網友嘅評論

陸浩明（6號）今日（18日）出席《善心滿載仁愛堂》記者會，而他將在活動當晚擔任司儀。前天颱風「山竹」吹襲香港，6號大呼家中被摧殘得不堪一擊：「我房個窗係吹開咗，跟住我即刻要閂返埋個窗，然後搵啲牛皮膠紙痴住個手柄，因為驚佢再吹開吖嘛。然後廳個冷氣啱啱新裝嘅，個冷氣機底又開始漏水，嗰朝係忙過拍任何嘅節目！」6號大呻本來打算買皺紋膠紙，誰知已經被搶清光，所以只好靠家中僅餘的一卷牛皮膠紙救急，他更稱自己本來在家中感覺到搖晃而嚇得心驚膽跳，後來麥明詩（Louisa）告訴他原來大廈搖晃能夠有效地安全卸力，6號才鬆一口氣。

早前馮盈盈在節目《後生仔傾吓偈》中提出「港姐公廁論」而引起網民爭議，前港姐莊思明更公開批評馮盈盈的言論很「cheap」，6號為盈盈申冤：「其實嗰時我聽佢講得好清楚佢都唔係講佢自己嘅睇法，佢只係轉述網友嘅評論或者佢哋嘅睇法。其實上網更加多評論係更加殘酷或者更難聽都會有，所以我都會繼續支持佢哋！」6號更大讚Louisa和盈盈很「貼地」：「佢哋做節目比佢哋平時係更加真實㗎。」

Louisa及盈盈多次發表出位言論，被問到會否叫她們稍為緩和一下言詞，6號希望她們可以繼續維持自己的風格。再加上這個節目的本意就是無拘無束做自己，而後生仔正正就是會勇於嘗試，做一些別人無法理解的事。