關智斌大爆張致恆核特往事 間屋臭到暈:好似有死老鼠味

撰文:冼燕珊
出版:更新:

BOYZ成員關智斌(Kenny)和張致恆(Steven)即將再次合體關演唱會,近日頻頻四出宣傳,日前作客TVB娛樂新聞台節目《StarTalk》,接受主播許文軒(Edmond)專訪,大談首度開騷感受。

即將舉行演唱會的BOYZ接受許文軒(Edmond)訪問。

關智斌(Kenny)表示開演唱會是意外,他說:「所有嘢都係因為做咗張敬軒演唱會嘉賓之後先發生,咁啱今年我地又十五週年,多謝網民集氣令開騷成真,其實我哋已經唔同公司,所以我哋會好好珍惜呢個演唱會。」張致恆(Steven)說:「依家要練習返以前啲舞同埋操體能,我晚晚跑十公里,依家越跳越有力,因為啲回憶令青春返曬嚟。」

因為上張敬軒演唱會做嘉賓,促成 BOYZ 開得成15周年演唱會。(IG圖片)

一向「相愛相殺」的 Steven 和 Kenny ,對於在軒仔個唱上重提當年打交一事,Steven說:「唔係打交,得Kenny打過嚟,要兩個人打先至係打交。其實係我衰,講咗啲好唔負責任嘅說話先,不過Kenny形容係打,我覺得係拍,因為冇力。」Kenny說:「你係咪想再試吓畀人打?我好記得打完之後仲要出活動,兩個人喺架車度一直唔出聲,好僵!不過兩日後大家唔記得咗件事。」

BOYZ 出道15年,但 Kenny 同 Steven 仍然Keep 得好好。(視覺中國)

Kenny大爆昔日打歌服仍留在他家中,他說:「搬過幾次屋都仲喺我度,唔知點解連Steven嗰啲都有,件件打孖上,我地有試過著返。」Steven笑說:「十幾年前嘅衫我竟然仲啱著,連個褲頭都啱,(Edmond問會否是以前潮流興闊身?) 我好想打你。」

二人亦於專訪中大爆昔日同居趣事,Kenny說:「以前我哋間屋好亂,仲要我阿爸阿媽幫手執屋,我阿媽有時會煲湯過嚟畀我哋飲,有一日我開始聞到有啲死老鼠味,後尾發現我阿媽煲湯就喺Steven床下底,佢冇飲不特止,仲推埋入去床下底,成兩個禮拜都聞唔到有陣味,最後連壼帶湯揼咗。」

+2