【救妻同學會】劉佩玥演老婆 胡鴻鈞:要求導演唔好有親熱戲!

撰文:吳子生
出版:更新:

由胡鴻鈞(Hubert)、劉佩玥主演劇集《救妻同學會》今日(12/10)在彩虹遊樂場公園進行指攝工作,特別安排傳媒到場探班,為新劇宣傳造勢。劇中Hubert與劉佩玥飾演夫妻關係,因得罪黑白兩道,被人追殺展開逃亡,同時老婆又被人綁架,又要諗計拯救太太。

無綫劇集《救妻同學會》一眾演員出席探班活動為劇集宣傳造勢。(陳順禎攝)

Hubert表示:「雖然我同劉佩玥係飾演兩公婆,但戲裡面好在佢俾人綁架咗,可以唔使有親熱戲,哈哈,其實我有同導演要求,最好唔好有親熱戲,其後我哋真係有同導演研究個劇情,究竟需唔需要呢,因為始終我哋係青春劇,所以就唔需要有太大嘅親熱場口,只係拖吓手,用吓眼神就已經足夠。」

胡鴻鈞要求導演,不要安排親熱戲份給自己。(陳順禎攝)

Hubert音樂會將於12月9日香港灣仔會議展覽中心舉行,到時會有神秘嘉賓撐場。「依家又要拍劇又要籌備音樂會,其實都好忙,練歌時間都好唔定時,為有在揸車嘅時候,又或者係沖涼嘅時候練吓歌,真係冇特定時間,一得閒就練。」