【全民造星】星級導師Eric Kwok爆老婆葉佩雯集集追：佢睇到喊！
撰文：陳栢宇
出版：更新：
ViuTV選秀真人騷《全民造星》進入尾聲，在今晚（14日）舉行的總決賽，最後10強便會分出高下，冠軍更會獨得100萬獎金。除了一眾參賽者，與他們甘苦與共的導師亦為此非常緊張，包括麥秋成、馬天佑、郭偉亮（Eric）、火火、卓韻芝和劉美君等均有親臨九龍灣展貿中心觀看決賽，準備見證優勝者誕生。
身為B組導師的Eric接受《香港01》訪問時便指自己睇好姜濤、肥仔和Ian，老婆葉佩雯則最鍾意Lokman：「佢覺得Lokman好型又跳得，佢都睇得好肉緊，佢睇晒㗎，睇到喊添呀！」又指香港好需要《全民造星》這類節目，因為香港的演藝圈好需要新血。至於會否參加第二季繼續做導師，他說：「未知，佢邀請我會繼續做，我覺得一年男仔、一年女仔會好啲，不如係女仔嘅話花姐會惡啲！」
《全民造星》今晚（14日）舉行總決賽，一班星級導師均有到場支持，包括麥秋成、馬天佑、郭偉亮（Eric）、火火、卓韻芝和劉美君。（陳順禎攝）
郭偉亮爆老婆葉佩雯睇《全民造星》睇到喊！（陳順禎攝）
而A組導師劉美君便指自己對於擔任第二季導師沒有諗太多：「因為都係苦差嚟，自己太上心，我唔記得簽咗幾耐，但好似做咗好多免費勞工咁，好多嘢放唔低，如果再做要諗諗時間。（都擔心有人再話你偏心？）我冇理人哋點講，我都係教自己小朋友咁教佢哋。」亦指自己沒有特別心水，邊個贏都開心。
劉美君指自己沒有心水冠軍，個個都咁錫。（陳順禎攝）
+5