Do姐自爆鬧過馬國明 農夫：鬧到好嚴重㗎！
撰文：趙允琳
出版：更新：
鄭裕玲（Do姐）與農夫今日（30日）出席手機品牌活動，Do姐稱對手機的要求不大，只要能打電話溝通到就可以，現時大多手機相機都有美肌功能，會不會也重視相機質素？Do姐稱：「影相我而家唔用美肌㗎啦！」陸永和C君馬上說：「你唔使用美肌啦！咩而家唔用啫？因為你個肌原本都好，再美啊好...嗯！」Do姐聽完感到很滿意：「Ok Ok，我可以放過你。」
Do姐和農夫透露有計劃再拍下一輯《Do姐去shopping》，不過還有很多因素要考慮。（陳順禎攝）
被問到知不知道對方使用手機的習慣，陸永大爆Do姐傳送相片都有一個「壞習慣」：「影完相就發畀全部人囉！」Do姐問：「乜咁唔啱咩？」陸永解釋：「啱，但有啲人接收唔到你就會鬧！」Do姐笑說有些人不懂得如何收相，所以在《Do姐去shopping》已經教育了很多人。C君和陸永更正：「係辱駡咗很多人！鬧到好嚴重㗎！」Do姐自爆：「無啊！我無鬧過馬明啊！」難道馬國明試過如此斗膽不接收Do姐的相片？
農夫大爆Do姐拍《Do姐去shopping》試過教育某人「有顏值，無科技」，Do姐自己自爆這個某人就是馬國明！（陳順禎攝）
農夫下星期將舉行6場演唱會，香港小姐亞軍鄧卓殷於參選時當場為農夫改名做「播種的機」，農夫更曾答應過會為「播種的機」作一首歌，現在有何進展？他們笑稱自己也忘記了：「我自己都唔記得啦！我哋成日都亂咁噏嘢㗎！」Do姐馬上為兩位想好對策：「一係咁啦，等佢哋搞完呢個演唱會先，再作返首『播種的機』啦！」農夫聽完Do姐的意見突然有感而發：「其實我覺得你，真係好幫我哋，好適合幫我哋代言啊！」言下之意，難道想找Do姐做農夫的發言人？
農夫下星期在麥花臣場館開演唱會，Do姐要求農夫希望可以仿效一下韓國日本的演唱會早點開場，那就能趕到尾班車回家了。（陳順禎攝）