【周遊東京2】慢遊和風文青區 三條不能錯過的打卡橋

撰文:黃欣華
出版:更新:

大家有冇諗過踏單車慢遊東京呢?周奕瑋(Jarvis)主持的旅遊節目《周遊東京2》最新一集,帶大家去新興景點──清澄白河,感受當地。位於江東區的清澄白河除了是知名日劇的取景地,更是一個充滿優雅氣息、古典與現代交錯的文青社區。

租一日只需500日圓。

Jarvis透露清澄白河周邊除了有不少新式的店舖和餐廳,當地已成為東京新人氣打卡點。而他最推薦的遊覽的方式就是踏單車,他稱:「區內運河與橋樑眾多,足足有成130條橋,所以被稱作為『水彩都市』,而且那邊的路都比較平坦,所以好容易踩,周邊的景色真係好靚。好多日劇都好鍾意喺嗰度拍,城市景加河冇得輸!」

單車全是可愛的夏威夷風!

說起踏單車,Jarvis亦想起當年留學發生的趣事:「嗰陣我住喺學生宿舍,試過有同學借咗人哋部單車去便利店買嘢,但因為日本政府有規定單車持有者需要做『防犯登錄』,咁我個同事咁啱就被員警要檢查呢個證明書,佢冇就被人拉咗去警署。因為日本經常都發生被人盜用單車嘅事,最後個同學要我哋宿舍舍監漏夜去救佢,而我見到佢咁,以後都唔敢借人單車用。」

想唔想去返轉?

除了節目中介紹的店舖,Jarvis亦推薦各位不妨去三條橋附近遊覽。

萬年橋

清澄橋

亀久橋