【十大中文金曲】張敬軒謝安琪奪「最優秀歌手」 稱霸三大頒獎禮
撰文：秦志鴻
出版：更新：
今年張敬軒和謝安琪可謂橫數各大頒獎典禮！軒仔先在《新歌勁爆頒獎禮2018》中奪得「勁爆年度歌手」、後又在《2018年度叱咤樂壇流行榜頒獎典禮》奪得「叱咤樂壇男歌手 金獎」，在今晚的《第41屆十大中文金曲 「用心．聽」音樂會》又再獲得「最優秀流行男歌手大獎」！而謝安琪亦同樣是三個頒獎禮的大贏家，《新歌勁爆頒獎禮2018》中奪得「勁爆女歌手」、《2018年度叱咤樂壇流行榜頒獎典禮》奪得「叱咤樂壇女歌手 金獎」以及「最受歡迎女歌手」獎，而今晚亦奪得「最優秀流行女歌手大獎」！
（陳順禎攝）
謝安琪在發表得獎感言時謂：「呢個獎係我第一次得到，真係好開心好開心。今年對我嚟講好特別，休息咗一段好長嘅時間，同Juno有好特別嘅合作，有好多冒險同挑戰自己嘅地方，我以最謙卑嘅心多謝大家嘅支持。」
（陳順禎攝）
而軒仔亦直認今年是豐收的一年：「我除咗有好嘅團隊，亦有好嘅歌迷，多謝佢哋同我風雨同路，尤其最近投票，佢哋真係撳到手都軟。同時我亦都好多謝港台，喺我最需要嘅時候畀我做港台嘅電台節目，希望有機會可以再嚟過做一啲同音樂有關嘅節目。」