【人住公屋我住公屋】埼玉縣有個「中國城」? 日本住戶大控訴

撰文:鄺鈺瑩
出版:更新:

ViuTV節目《人住公屋 我住公屋》介紹法國、西班牙、新加坡等地嘅公屋,見盡「公屋租金、豪宅享受」,令唔少香港觀眾、甚至係主持人嘅林二汶同林一峰都話羨慕到流晒口水,之不過,嚟到最後一集,大家又係未咁諗呢?

接受訪問嘅呢位中國大媽,話自己年紀大所以唔學日文……並大讚祖國要咩有咩。

最後一集節目去到位於日本埼玉縣川口市嘅芝園,呢個大型公屋區建造於1978年,共有15棟、2450戶,由於來往東京嘅交通十分方便,加上租金只是為起4至8千元港元不等,區內亦設有幼稚園、超市、公園,所以大受歡迎。而隨著唔少中國科技人士去到日本打工,芝園有一半以上嘅住客都係中國人,成了真真正正嘅「中國城」。之不過,垃圾分類、嘈音問題頻生,令芝園嘅日本居民十分不滿,就連當地新聞亦有報導過。節目中,芝園負責人指出:「有一些外國住戶講話聲音比較大,被日本住戶提醒降低音量,卻對日本住戶暴力相向。」而責負人口中嘅外國住戶,正正就係中國人,情況發展到「中國人滾回去」等字句於芝園內隨處可見……
 

由JR蕨車站行5分鐘就可以去到嘅芝園團地,2400戶當中,有近一半都係中國人。

不過其實寫咩都無用,因為住喺芝園內嘅好多中國住戶都唔識日文架!就好似盤菜瑩子訪問嘅呢位中國大媽,佢以年紀大為理由,唔去學日文,又話:「食唔好、朋友唔多,點同中國食得咁好?中國食咩有咩,活雞、活魚、咩都新鮮。喺日本,餓又餓唔死,飽又飽唔死,不如返去中國,話晒我都有國藉……」講到自己有顆中國心,但偏偏要喺日本過活好似好委屈咁……為解決民生問題,芝園近年不時舉行多項活動,例如係派遣中文翻譯,並同時成立「芝園多文化交流俱樂部」,目的係令中日住戶多作交流。

近年淪為「中國城」之後,有日本居民於fb上圖文並荗大控訴。
為咗令唔識日文嘅大媽而設嘅簡體版本告示,於芝園隨處可見。