黃宗澤逼睇恐怖血肉視頻 吳卓羲嚇親：同我熄咗佢！
撰文：吳子生
出版：更新：
吳卓羲今晚（12/1）在九展出席健康產品周年晚會活動。提到好兄弟黃宗澤（Bosco）早前拍《飛虎之雷霆極戰》時意外斷腳，事後在社交網絡張貼受傷入院相，卓羲提及此事都表示驚訝：「嗰日我拍完戲，跟住佢就接我班，其實個場戲分開兩邊拍攝，我係呢邊槍戰緊，佢就係嗰邊駁火，我都唔知咩事，咁過咗一日，個攝影師打畀我，話我知Bosco意外斷腳，仲好嚴重。」
吳卓羲兩個星期後，會到馬來西亞出席電影《一起走過的日子》發布會。（林迅景攝）
Bosco意外腳斷受傷入院做手術後，不經不覺都有一個月時間，康復進度良好，還將拆鋼針過程拍低。卓羲直言：「佢尋日去咗覆診抆針，今朝早見到佢，佢講我聽個過程我都驚，佢突然間畀我睇嗰啲視頻，成支針有4吋長，本身插咗入腳掌骨裏面，知道佢冇麻醉情況下，醫生就咁用個鉗抆出嚟，電話發出嚟嘅聲係「喀喀」聲，我即刻叫佢熄咗部機佢，唔敢再睇落去。」
吳卓羲表示見到Bosco受傷後，令到自己有好大的警惕，在拍戲時會特別注意安全。（林迅景攝）
+2