林盛斌Bob直擊細囝叫爸爸勁激動　「錯過好多第一次」

林盛斌（Bob）與太太Pearl育有四個小朋友，揹起成頭家的阿Bob經常工作在外，子女則交由太太全職照顧，因此錯過不少小朋友珍貴的成長時刻。而歲半細仔林道申（JJ）牙牙學語，近日終於學識叫爸爸，難得以第一身感受兒子的第一次，Bob感動到大叫，更拎手機拍下影片在Instagram與大家分享。

仔仔生濕疹成面成手都係 林盛斌：寧願佢啲濕疹十倍咁生喺我度

片中見阿Bob細仔JJ勁精靈，在他一聲令下便接連叫了好幾聲爸爸，難怪阿Bob聽後勁激動，更發文透露錯過了很多子女的第一次：「因為工作關係，好多時屋企幾個小朋友嘅第一次乜乜乜我都去唔到、睇唔到、聽唔到，最多都係老婆拍片之後再send俾我睇，例如：大女霏霏第一次幼稚園畢業禮、入學禮、二女熹熹第一次踩單車、第一次學識溜冰，三女機機第一次學識爬、學識行，細佬JJ第一次學識轉身等等，仲有好多好多，我都見證唔到…今日終於第一次第一身親耳聽到！」