林峯豪送同學仔紀念金牌 楊怡合照用手袋遮肚
撰文：黃欣華
出版：更新：
TVB綠葉演員李忠希日前就在微博晒出多張印有第13期「無綫電視藝員訓練班」同學仔包括林峯、楊怡、張美妮、陳少邦、徐榮、楊明、趙永洪等多人合照的金牌，並留言：「20周年紀念金牌多謝林峯！」為每位同學仔大方送上金牌，果然貫徹林峯一向出手闊綽的風格。
送金牌唔止豪，更印上同學仔嘅樣，相當有心思！（微博照片）
林峯、楊怡、張美妮、陳少邦和徐榮等人日前又聚會，林峯趁齊人就向大家派發紀念金牌。見大家收到禮物後都相當興奮，紛紛拿着金牌自拍！幾位20年友誼不變，實在令人羨慕！
第13期藝員訓練班之一的徐榮接受《香港01》訪問時表示，是次飯宴食得非常開心，能夠坐埋一齊食飯實在非常難得。問到林峯送贈的金牌「墜不墜手」，他回答說：「都『墜墜』㗎。」至於紀念金牌的價值，他說：「冇問幾重幾錢吖，不過幾重都好，都係一份心意。」他表示，該餐飯宴並不是由林峯「埋單」，而是由各位同學仔夾錢請林峯食飯。「佢成日有話埋㗎，係我哋唔佢埋之嘛，話晒送咗一份咁有紀念價格嘅禮物畀我哋。其實我哋年年都有約出嚟食飯，每次都係大家AA制，慣咗啦，我哋廿年來都係咁。」
話當年！（網上圖片）
當中懷孕約5個月左右的張美妮已見肚，至於正在養尊處優的身穿紅色衛衣的楊怡就用手袋遮肚，難道好快就有好消息宣布？
零零舍舍有個手袋，唔通楊怡會生豬B？（微博圖片）