新歌MV四眼男主角令網民聯想吳業坤　Aka：大家應該向前看！

女子組合Super Girls隊長趙慧珊（Aka）早前推出首隻「單飛」新歌《你在聽嗎？》，成為組合中第二位推出個人作品的成員，推出後有少網民大讚其唱功。日前Super Girls出席音樂活動表演時，Aka更打頭陣獻唱新歌，出場前她直言非常緊張︰「因為這首歌第一次唱live，而且又係自己一個，加上這首歌唔易唱，當然好緊張。」

談到自己的表現，Aka坦言非常滿意︰「當然仲可以唱得好啲，始終第一次唱，而且現場音響好好，令我由緊張變到去享受呢個舞台，現場反應都唔錯，自己都好開心。」她笑言本來準備了另一套服裝去唱這首比較悽美的歌曲，不過因不夠時間換衫，結果穿了組合的歌服表演。

另外，不少網民看了Aka的新歌MV後，看到MV男主角是「四眼男」，即聯想到MV是否暗示與前緋聞男友吳業坤的感情事，又指她對「四眼男」情有獨鍾，對此Aka表示︰「其實MV男主角係我表弟，係我最親嘅親人之一。大家平時都好Close，不過佢細我好多，所以導演就叫佢戴副眼鏡試吓，望落成熟啲，所以係冇其他意思。其實呢啲緋聞都差唔多5年前，大家應該向前看。」